ەگيپەتتىڭ بۇرىنعى پرەزيدەنتى قايتىس بولدى

اقپارات اگەنتتىكتەردىڭ حابارلاۋىنشا، مۋرسي 17 - ماۋسىمدا سوتتان شىققان سوڭ ەسىنەن تانىپ قالىپ، كەيىن كوز جۇمعان. كايردا مۋرسيدىڭ ۇستىنەن پالەستينالىق حاماس ۇيىمىنىڭ پايداسىنا تىڭشىلىق جاسادى دەگەن ايىپپەن سوت ءوتىپ جاتقان.

مۋرسي 2011 - جىلى اراب كوكتەمىنەن كەيىن دەموكراتيالىق جولمەن بيلىككە كەلگەن. وعان دەيىن ەلدى 30  جىل بويى حوسني مۋباراك باسقارعان. 2013 -جىلى شىلدە ايىندا ەگيپەت اسكەريلەرى ەلدىڭ تۇڭعىش رەت دەموكراتيالىق جولمەن سايلانعان پرەزيدەنت مۋرسيدىڭ ساياساتىنا قارسى بىرنەشە كۇندىك شەرۋلەر كەزىندە ونى بيلىكتەن تايدىرىپ، كەيىن قاماۋعا العان. ول سودان بەرى تۇرمەدە وتىرعان.

ەگيپەت سوتى مۋرسي 2013 -جىلعى شەرۋ كەزىندە نارازىلاردى قاماپ، قيناۋعا بۇيرىق بەرگەن دەپ ايىپتايدى. سوت بۇعان دەيىن ونى «كاتار ەلىنىڭ پايداسىنا تىڭشىلىق جاساعان» دەگەن ايىپ تاعىپ، ءومىر بويى تۇرمە جازاسىنا كەسكەن.

www.azattyq.org