اسحات ايماعامبەتوۆ ۇ ب ت ناتيجەلەرى بويىنشا مەكتەپتەردىڭ رەيتينگىن جاساماۋدى سۇرادى

نۇر- سۇلتان. قازاقپارات - ءبىلىم جانە عىلىم ءمينيسترى اسحات ايماعامبەتوۆ ءوڭىر اكىمدىكتەرىنەن ۇ ب ت ناتيجەلەرى بويىنشا وبلىستاردىڭ، قالالار مەن مەكتەپتەردىڭ رەيتينگتەرىن جاساماۋدى سۇرادى، دەپ حابارلايدى قازاقپارات ءتىلشىسى.

«ۇ ب ت كەزىندە قوعامدىق ءتارتىپتى ساقتاۋ، ۇ ب ت وتكىزۋ پۋنكتەرىن مەديتسينالىق پەرسونالدارمەن قامتاماسىز ەتۋ قاجەت. ەكىنشىدەن، ۇ ب ت ناتيجەلەرى بويىنشا وبلىستاردىڭ، قالالار مەن مەكتەپتەردىڭ رەيتينگتەرىن جاساماۋدى سۇرايمىز. قازىرگى تاڭدا ۇ ب ت - ءوز ەركىمەن جوعارعى وقۋ ورىندارىنا ءتۇسۋ ءۇشىن تاپسىراتىن ەمتيحان بولعاندىقتان، وسى ناتيجەلەردى رەيتينگ جاساۋعا پايدالانۋ - ءبىزدىڭ ويىمىزشا، دۇرىس ەمەس»، - دەدى ءبىلىم جانە عىلىم ءمينيسترى ۇكىمەت وتىرىسىندا.

 اسحات ايماعامبەتوۆ ۇشىنشىدەن، مەكتەپ بىتىرۋشىلەر مەن ولاردىڭ اتا- انالارىنا قولايلى جاعداي جاساۋدى، بالالاردى تاسىمالداۋ ماسەلەسىن ۇيىمداستىرۋدى سۇرادى. «جالپى، ۇ ب ت وتكىزۋگە دايىندىق جوسپارعا ساي جۇرگىزىلىپ جاتىر. بيىلعى تەستىلەۋدى وتكىزۋگە دايىنبىز»، - دەدى مينيستر.