08:30, 13 - ماۋسىم 2019 | GMT +6
قازاقستاندىق ساداق اتۋشىلار وليمپياداعا ليتسەنزيا جەڭىپ الدى
نۇر-سۇلتان. قازاقپارات - قازاقستاندىق ساداق اتۋشىلار نيدەرلاندىدا ءوتىپ جاتقان الەم چەمپيوناتىندا توكيوداعى وليمپيادا ويىندارىنا ليتسەنزيا جەڭىپ الدى (كوماندالىق سايىس)، دەپ حابارلايدى قازاقپارات.
ق ر ۇلتتىق وليمپيادالىق كوميتەتىنىڭ مالىمەتىنە سايكەس، دەنيس گانكين، سانجار مۇسايەۆ، يلفات ابدۋلين 1/8 فينالدا ريو وليمپياداسىنىڭ كۇمىس جۇلدەگەرلەرى ا ق ش ساداقشىلارىن 6:0 ەسەبىمەن جەڭدى.
بۇل ناتيجە كوماندامىزعا توكيوداعى وليمپيادا ويىندارىنا جولداما الۋعا مۇمكىندىك بەردى.
«قازاقستان ءۇشىن بۇل ليتسەنزيانىڭ ماڭىزدى بولىپ تابىلاتىنى، 2000 -جىلعى سيدنەي وليمپياداسىنان كەيىن، 20 جىلدان سوڭ، ەلىمىز وليمپيادانىڭ كوماندالىق جارىستارىنا قاتىسادى»، - دەلىنگەن ق ر ۇ و ك اقپاراتىندا.