توقايەۆ سىبايلاس جەمقورلىقپەن قالاي كۇرەسەتىنىن ايتتى
«سىبايلاس جەمقورلىق - وتە كۇردەلى قۇبىلىس. بىلاي ايتقاندا دەرت دەپ تە ايتۋعا بولادى. باتپانداپ كىرەتىن، مىسقالداپ شىعاتىن كەسەل. سوندىقتان بۇل دەرتپەن مىندەتتى تۇردە ءبارىمىز قوعام بوپ كۇرەسۋىمىز كەرەك. ايتپەسە كەش بولىپ قالۋى مۇمكىن. سىبايلاس جەمقورلىقتىڭ كەسىرىنەن الىپ مەملەكەتتەر، ءىرى مەملەكەتتەر قۇلاعانىن ءبارىمىز بىلەمىز، كۋا بولدىق»، - دەدى مەملەكەت باسشىسى.
قازاقستان پرەزيدەنتى سىبايلاس جەمقورلىق ءاربىر مەملەكەتتە، سونىڭ ىشىندە دامىعان مەملەكەتتەردە دە بار ەكەنىن اتاپ ءوتتى.
«ءبىز سىبايلاس جەمقورلىق تۋرالى اشىق تۇردە ايتامىز. بىزدە سىبايلاس جەمقورلىق - وتە ۇلكەن پروبلەما، قۇبىلىس - ءبىزدىڭ قاۋىپسىزدىگىمىزگە سىن- قاتەر. سوندىقتان مەنىڭ مىندەتىم - سىبايلاس جەمقورلىقپەن كۇرەسۋ. جاقىندا، مامىر ايىندا وسى ماسەلەگە ارنالعان ۇلكەن جينالىس بولدى. كەشەندى ءىس- شارالاردى قولدانامىز دەپ ويلايمىن. بۇل جونىنەن حالىققا ەسەپ بەرەمىز»، - دەدى قاسىم- جومارت توقايەۆ.
اۆتور: مارلان جيەمباي