قازاقستاندا اتوم ەلەكتر ستانساسى سالىنا ما
«قازاقستاندا اتوم ستانساسى قۇرىلىسى بويىنشا ەشقانداي شەشىم قابىلدانباعانى تۋرالى تاعى دا قاداپ ايتامىن. قازاقستاندا ءبىز ستانسا قۇرىلىسىنىڭ مۇمكىندىگىن زەرتتەۋ كەزەڭىن اتقارۋدامىز. ونىڭ ىشىندە تەحنولوگيالاردى وندىرەتىن ەلدەردەن ءتيىستى مالىمەتتەردى سۇراستىرۋدامىز. بۇل تۇرعىدا تەحنيكالىق سيپاتتامالار، باعا دەڭگەيى بويىنشا زەرتتەۋ جۇرۋدە»، - دەدى بوزىمبايەۆ.
ونىڭ سوزىنە قاراعاندا، ۇكىمەت پەن «سامۇرىق- قازىنا» كومپانياسى بۇل ماسەلەنى پىسىقتاعاننان كەيىن، ونى قوعام تالقىسىنا شىعارۋ مۇمكىندىگى بولادى.
«وزدەرىڭىز بىلەسىزدەر، پرەزيدەنت قاسىم- جومارت توقايەۆ سەمەيگە ساپارى بارىسىندا بۇل ماسەلە قوعامدىق پىكىردى ەسكەرە وتىرىپ شەشىلەتىنىن ايتتى»، - دەدى ۆەدومستۆو باسشىسى.
ەسكە سالساق، بيىل ءساۋىر ايىندا سەمەي قالاسىنىڭ زيالى قاۋىم وكىلدەرىمەن كەزدەسكەن مەملەكەت باسشىسى قاسىم- جومارت توقايەۆ اتوم ەلەكتر ستانساسىنىڭ قۇرىلىسىنا قاتىستى ويىمەن ءبولىستى.
« ەل حالقىنىڭ باسىم بولىگىنىڭ پىكىرى ەسكەرىلمەستەن ا ە س قۇرىلىسى تۋرالى شەشىم قابىلدانبايدى. بۇل بۇكىل حالقىمىزدىڭ مۇددەسىنە قاتىستى بار بارىنشا وزەكتى ماسەلە جانە ولاردىڭ پىكىرلەرى قاپەرگە الىنادى»، - دەدى ق. توقايەۆ.
بۇدان بۇرىن حابارلانعانداي، بيىل كوكتەمدە ق ر ەنەرگەتيكا ءمينيسترى قانات بوزىمبايەۆ رەسەيلىك تاراپتىڭ قازاقستاندا اتوم ەلەكتر ستانساسىن سالۋ ۇسىنىسىنا قاتىستى پىكىر بىلدىرگەن ەدى.
اۆتور: رۋسلان عابباسوۆ