سايلاۋدا ارىز-شاعىمدار بولعان جوق - ش ى ۇ بايقاۋشىلار ميسسياسى
«ق ر سايلاۋ تۋرالى زاڭىنا سايكەس، تىركەلگەن كانديداتتارعا سايلاۋالدى ۇگىت جۇرگىزۋ ءۇشىن بۇقارالىق اقپاراتتىق قۇرالدارىنا بىردەي قولجەتىمدىلىك شارتتارى بەرىلدى. ميسسيا سايلاۋ كامپانياسى اياسىنداعى شارالار ق ر زاڭناماسىنا سايكەس، اشىق، ازاماتتارعا كەڭىنەن اقپارات بەرە وتىرىپ جۇرگىزىلدى، ب ا ق-تا جان-جاقتى ءارى تولىق حابارلاندى دەپ سانايدى»، - دەيدى ۆلاديمير نۋروۆ.
سونىمەن قاتار ميسسيا جەكەلەگەن بۇزۋشىلىقتاردى تىركەدى. سپيكەردىڭ ايتۋىنشا، ولار جاپپاي سيپاتقا يە بولعان جوق، سايلاۋدىڭ ناتيجەلەرىنە دە ىقپال ەتە المايدى.
«كەزەكتەن تىس قازاقستان پرەزيدەنتى سايلاۋى ق ر زاڭناماسىنا، مەملەكەت قابىلداعان حالىقارالىق مىندەتتەمەلەرگە سايكەس بولدى. ميسسيا كەزەكتەن تىس سايلاۋدىڭ زاڭدىلىعىنا كۇمان كەلتىرەرلىكتەي ۇلتتىق زاڭنامانىڭ بۇزىلۋىن تىركەگەن جوق»، - دەدى ۆ. نۋروۆ.
بايقاۋشى ميسسيانىڭ وسى سايلاۋ اشىق، دەموكراتياشىل ءارى سەنىمدى ءوتتى دەپ مويىندايتىنىن جەتكىزدى. ونىڭ ايتۋىنشا، سايلاۋشىلار ينتەرنەتكە، سونىڭ ىشىندە الەۋمەتتىك جەلىلەرگە ەركىن كىرە الدى.
«ميسسيا مىنانى ەرەكشە اتاپ كورسەتەدى، و س ك كەزەكتەن تىس ق ر پرەزيدەنت سايلاۋى بويىنشا سايلاۋ كامپانياسىنا قاتىستى اقپاراتتى جاريالاۋ كەزىندە زاڭنامانىڭ ساقتالۋىن مۇقيات باقىلاپ وتىردى. ميسسيا جۇمىس ىستەگەن كەزەڭدە وعان ب ا ق-تىڭ ۇگىت كامپانياسىن حابارلاپ وتىرۋ جۇمىسىنا قاتىستى ارىز-شاعىمدار تۇسكەن جوق. سايلاۋشىلار وزدەرىنە قولايلى كەزدە ءوتىنىم ءبىلدىرۋ مۇمكىندىگىنە يە بولۋى ءۇشىن ازاماتتاردىڭ وتىنىمدەرىن قابىلداۋ ۋاقىتى بارىنشا ۇزارتىلدى»، - دەيدى ۆ. نۋروۆ.
اۆتور: ازامات سىزدىقبايەۆ