روزا رىمبايەۆا: وتباسىمىزبەن سايلاۋعا قاتىسىپ، ەل بولاشاعى ءۇشىن داۋىس بەردىك
بۇل كۇن اسىرەسە، كامەلەت جاسىنا تولىپ، العاش رەت داۋىس بەرۋ قۇقىعىنا يە بولعان جاستار ءۇشىن ەرەكشە. سايلاۋ كوميسسياسىنىڭ مۇشەلەرى ولارعا بارلىق ەرەجەلەردى بۇگە- شۇگەسىنە دەيىن تۇسىندىرۋدە. سولاردىڭ قاتارىندا سايلاۋعا العاش رەت كەلگەندەردىڭ ءبىرى - ەركەماي مەيرام دا بار.
ەركەماي مەيرام، الماتى قالاسىنىڭ تۇرعىنى:
- بۇگىنگى مەنىڭ كوڭىل- كۇيىم وتە تاماشا. سەبەبى، ءبىرىنشى رەت داۋىس بەرۋگە كەلىپ تۇرمىن. داۋىس بەرۋ ءاربىر ازاماتتىڭ مىندەتى بولىپ سانالادى. ۇلتتىق كىتاپحانادا ورنالاسقان №254 سايلاۋ ۋچاسكەسىندە 2005 سايلاۋشى تىركەلسە، ازاماتتىق پارىزىن وتەۋگە كەلگەندەردىڭ اراسىندا قازاقستاننىڭ حالىق ءارتىسى روزا رىمبايەۆا دا بولدى. «ءبىز وتباسىمىزبەن بىرگە سايلاۋعا قاتىسىپ، قازاقستاننىڭ بولاشاعى ءۇشىن داۋىس بەردىك» ، - دەيدى تانىمال ءانشى.
روزا رىمبايەۆا، قازاقستاننىڭ حالىق ءارتىسى:
- مەن ويلايمىن، وسى پرەزيدەنتتىككە كانديدات ازاماتتاردىڭ بارلىعىنىڭ نەگىزگى ماقساتى - مەملەكەتتى، حالىقتى، ءبىزدىڭ ءومىرىمىزدى جاقسارتۋ. سول ءۇشىن بارلىعى ءوزىنىڭ ناقتىلى باعدارلاماسىن حالىققا جايىپ سالىپ، وسىنداي- وسىنداي دۇنيە جاسايمىن دەپ ۋادە بەردى عوي. ەندى حالىق ءوز تاڭداۋىن جاساپ، ەڭ جاقسى باعدارلامانى تاڭداپ، سونىڭ ناتيجەسىن كۇتەدى. ەندى حالىق تاڭداعان ازامات بۇگىن جەڭەدى دەپ ويلايمىن.
www.24.kz