مايرا مۇحامەد قىزى: ءار ازامات سايلاۋعا قاتىسۋى ءتيىس

 بىشكەك. قازاقپارات - قازاقستاندىق وپەرا ءانشىسى، ق ر ەڭبەك سىڭىرگەن ءارتىسى مايرا مۇحامەد قىزى قازاقستان رەسپۋبليكاسىنىڭ قىرعىز رەسپۋبليكاسىنداعى ەلشىلىگىنىڭ جانىنان اشىلعان سايلاۋ ۋچاسكەسىندە داۋىس بەردى، دەپ حابارلايدى «قازاقپارات»  ح ا ا- نىڭ مەنشىكتى ءتىلشىسى.

ونىڭ ايتۋىنشا، بىشكەكتە ول شىعارماشىلىق ءىس ساپاردا ءجۇر ەكەن - 13 - ماۋسىم كۇنى شانحاي ىنتىماقتاستىق ۇيىمىنا مۇشە ەلدەر انشىلەرىنىڭ ۇيىمنىڭ 13-14 - ماۋسىم كۇندەرى قىرعىزستاندا بولاتىن سامميتىنە ارنالعان ۇلكەن كونسەرتىندە ونەر كورسەتپەك.

مايرا مۇحامەد قىزى ەلدەن جىراقتا جۇرسە دە، كونتسەرتكە قىزۋ دايىندىق ۇستىندە جۇرسە دە، سايلاۋدان تىس قالا الماپتى.

«بۇل ءبىزدىڭ ەل ءۇشىن ەڭ ماڭىزدى ءسات. ءار ازامات سايلاۋعا قاتىسۋى ءتيىس. كۇندە نەمەسە جىل سايىن سايلاۋ بولىپ جاتقان جوق. بۇگىن ءبىزدىڭ تاعدىرىمىز، بولاشاعىمىز شەشىلەدى. مەن ەلىمنىڭ پاتريوتىمىن، سوندىقتان قايدا جۇرسەم دە سايلاۋعا ۇنەمى قاتىسامىن. ونىڭ ۇستىنە، وتانىڭنان الىستا ءجۇرىپ ەل پرەزيدەنتىن سايلاۋ - ناعىز تاريح. ەلدىڭ سىرتىندا وتانسۇيگىشتىك سەزىمىڭ دە كۇشەيىپ، وتانىڭدى ماقتان ەتەسىڭ» ، - دەيدى مايرا مۇحامەد قىزى.