ديماش قۇدايبەرگەن مەن ەرجان ماكسيم «مۋز- ت ۆ» كەشىندە ءان شىرقادى
كەش قوناعى بولعانىن ءانشى Instagram-داعى پاراقشاسىندا جازدى.
«مۋز- ت ۆ 2019» مۋزىكالىق سىيلىعىنىڭ شاقىرىلعان ارنايى قوناعى بولدىم»، - دەپ جازدى ديماش.
«ءبىز ونىڭ داۋىسىندا ەمدىك قاسيەت بارىن بىلدىك. وسى ساحناعا شىنىندا دا، بىرەگەي ۆوكالدىق دياپازونى بار ادام شىققالى وتىر. ونى رەسەي عانا، قىتاي، ءتىپتى بۇكىل الەم مويىندادى. وسى ءانشىنىڭ ساحنامىزدا ونەر كورسەتەتىنىنە قۋانىشتىمىز. ديماشپەن بىرگە ماەسترو يگور كرۋتوي ءبىر ساحنادا ونەر كورسەتەدى»، - دەدى ءانشىنى تانىستىرعان كەش جۇرگىزۋشىسى ماكسيم گالكين.
وسىدان كەيىن ساحناعا شىققان ديماش رەسەيلىك كومپوزيتور يگور كرۋتويدىڭ رويالدە سۇيەمەلدەۋىمەن «ليۋبوۆ ۋستاۆشيح لەبەدەي» ءانىن ورىندادى.
كەش قوناقتارى ديماشتىڭ ونەرىنە تىك تۇرىپ شاپالاق ۇرىپ، قۇرمەتتەرىن ءبىلدىردى. ءانشى وسىدان كەيىن «مادمۋازەل حايد» ءانىن ورىنداپ، كورەرمەننىڭ ودان زور قوشەمەتىنە يە بولدى.
«مۋز- ت ۆ 2019» كەشىنە قازاقستاندىق تاعى ءبىر دارىندى ءانشى ەرجان ماكسيم شاقىرىلعان بولاتىن. جاس ءانشى ساحنادا «All by myself» ءانىن اۋەلەتە شىرقاپ، زالدىڭ ۇلكەن قولداۋىنا يە بولدى.
ەسكە سالا كەتسەك، ديماش قۇدايبەرگەن مەن ەرجان ماكسيم «مۋز- ت ۆ» سىيلىعىنا ارنالعان سالتاناتتىڭ قىزىل كىلەمىمەن ءجۇرىپ وتكەنىن كەشە حابارلاعان بولاتىنبىز.
اۆتور: ايان بەكەن ۇلى