باتىس قازاقستانداعى وزەن- كولدەردە سۋ تاپشىلىعى تۋىندادى
ماماندار بۇنى جەردە توڭنىڭ بولماۋىمەن بايلانىستىرىپ وتىر. سالدارىنان بىتىك، دوڭگەلەك، كيروۆ سەكىلدى ءىرى سۋ قويمالارىنا قاجەتتى سۋ مولشەرىنىڭ % 60 عانا تۇسسە، كوكتەمدە جايىقتىڭ دەڭگەيى بىلتىرعىدان ەكى ەسە تومەن بولعان. ەگەر جىل سايىن كاسپي تەڭىزىنە وزەن ارناسىمەن 11 ميلليارد تەكشە مەترگە دەيىن سۋ جەتسە، بيىلعى بولجامدى كورسەتكىش 5 ميلليارد تەكشە مەتر عانا.
باستاۋىن رەسەيدىڭ ساراتوۆ وبلىسىنان الاتىن قاراوزەن مەن سارىوزەندە دە جاعداي ءماز ەمەس. كورشى ءوڭىردىڭ وزىندە 12 سۋ قويماسى جارتىلاي تولعان. «مۇنداي جاعداي دالا ءورتى قاۋپىن كۇشەيتىپ، باۋ- باقشا شارۋاشىلىعىنىڭ دامۋىنا كەرى اسەر ەتەدى»، - دەيدى ماماندار.
ماحامبەت ىقسانعالي، وبلىستىق تابيعي رەسۋرستار باسقارماسى باسشىسىنىڭ ورىنباسارى:
- رەسەيدەن بيىل ساتىپ الىناتىن سۋدىڭ كولەمى - 86 ميلليون تەكشە. جايىق سۋى ساتىلمايدى. ول تەگىن. جاقىندا عانا وبلىس اكىمىنىڭ ءبىرىنشى ورىنباسارى ەسقاليەۆ ۇلكەن دەلەگاتسيامەن بارىپ سويلەسىپ، كەلىسىپ كەلدى. جالپى، ءبىزدىڭ كورشى مەملەكەتكە قوياتىن تالابىمىز سەكۋندىنا 100 تەكشە بەرسە دەگەن ءۇمىتىمىز بار. ءبىراق جاز بويى ولار 15 تەكشە سەكۋندتان ارتىق سۋ بەرگەن جوق.
www.24.kz