قۇرمەتتى سەناتور مارتەبەسىن العان ەلباسى اسا ماڭىزدى تالقىلاۋلارعا قاتىسادى
بۇل تۋرالى پارلامەنت سەناتىنىڭ سپيكەرى داريعا نازاربايەۆا ءمالىم ەتتى، دەپ حابارلايدى قازاقپارات ءتىلشىسى.
«شاقىرۋىمىزدى قابىل الىپ، وتىرىسىمىزعا قاتىسىپ، پرەزيدەنت قاسىم- جومارت توقايەۆتىڭ ۇسىنىسى بويىنشا سەنات بەكىتكەن «قۇرمەتتى سەناتور» مارتەبەسىن قابىل العانىڭىز ءۇشىن شىنايى ريزاشىلىعىمىزدى بىلدىرەمىز. ءسىز ءارقاشان سەناتقا كەلىپ، بيۋرو، كوميتەت جانە پالاتا وتىرىستارىنا قاتىسىپ، اسا ماڭىزدى ماسەلەلەر بويىنشا ءوزىڭىزدىڭ كوزقاراسىڭىزبەن، كورەگەن پاراساتتى وي- پىكىرلەرىڭىزبەن بولىسە الاسىز. بۇل مۇمكىنشىلىك سەناتورلار ءۇشىن ۇلكەن مارتەبە، سونىمەن قاتار زور جاۋاپكەرشىلىك جۇكتەيدى»، - دەدى داريعا نازاربايەۆا سەناتتا وتكەن سالتاناتتى شارادا.
بۇدان بۇرىن حابارلانعانداي، بۇگىن ق ر پارلامەنتى سەناتىندا تۇڭعىش پرەزيدەنت- ەلباسى نۇرسۇلتان نازاربايەۆقا «قۇرمەتتى سەناتور» توسبەلگىسى مەن كۋالىگى تابىستالدى.
ەلباسى نۇرسۇلتان نازاربايەۆ پارلامەنت سەناتىنىڭ دەپۋتاتتارىمەن اقىلداسۋعا ءجيى كەلىپ تۇراتىنىن ايتتى.