ورالدا كوشەدە قاراۋسىز جۇرگەن ەكى ءبۇلدىرشىن تابىلدى

ب ق و پوليتسيا دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، وقيعا بۇگىن ساعات 10.00 شاماسىندا ن. ساۆيچيەۆ پەن 8 -ناۋرىز كوشەلەرىنىڭ قيىلىسىندا ورىن العان. ەرەسەكتەردىڭ قاراۋىنسىز جول شەتىندە ويناپ جۇرگەن بالالار جونىندە تۇرعىندار پوليتسياعا حابارلاعان.

پوليتسيا قىزمەتكەرلەرى بالالاردى اباي پوليتسيا بولىمىنە الىپ كەلدى. الايدا، بۇلدىرشىندەر سويلەمەيدى، ولاردىڭ قايدا تۇراتىنىن ءبىلۋ مۇمكىن ەمەس. بىرەۋىنىڭ قولىندا ءۇيدىڭ كىلتى ءجۇر.

«قازىرگى كەزدە بالالاردىڭ اتا- اناسى ىزدەستىرىلىپ جاتىر. كەزەكشى توپ بالالار تابىلعان اۋماققا جىبەرىلدى. ولار سول ماڭداعى ۇيلەردى ارالاپ، سۇراستىرادى. 102 تەلەفونىندا وتىراتىن وپەراتورلارعا دا ەسكەرتىلدى. بالالارعا جەدەل جاردەم شاقىرتىلدى. دارىگەرلەر قاراعاننان كەيىن ولاردى تاماقتاندىرىپ، كۇتۋ ءۇشىن ۋاقىتشا بالالار ءۇيىنىڭ بىرىنە جىبەرىلەدى»، دەپ حابارلادى قازاقپارات تىلشىسىنە دەپارتامەنتتىڭ باسپا ءسوز قىزمەتىنەن.

ەسكە سالا كەتەيىك، بۇدان بۇرىن ورالدا ەسىن جوعالتىپ العان جاس ءوسپىرىم تابىلعان بولاتىن.