سەرىك ساپيەۆكە جاڭا قىزمەت جۇكتەلدى

كەڭەس وتىرىسىنا ت م د مەملەكەتتەرى (قازاقستان، ازەربايجان، ارمەنيا، بەلارۋس، قىرعىزستان، رەسەي، تاجىكستان، تۇرىكمەنستان، وزبەكستان) سپورت جانە دەنە شىنىقتىرۋ سالاسىنداعى قۇزىرەتتى ورگاندارىنىڭ باسشىلارى، سونىمەن قاتار ت م د اتقارۋشى كوميتەتى، ق ر مادەنيەت جانە سپورت مينيسترلىگىنە قاراستى ۆەدومستۆولىق باعىنىستاعى ۇيىمدار مەن وبلىستىق دەنە شىنىقتىرۋ جانە سپورت باسقارمالارىنىڭ وكىلدەرى قاتىستى.

شارا الدىندا سەرىك ساپيەۆ 2019-2020 -جىلدار بويىنشا تاۋەلسىز مەملەكەتتەر دوستاستىعى ەلدەرى وكىلدەرىنىڭ سپورت جانە دەنە شىنىقتىرۋ كەڭەسىنىڭ ءتوراعاسى بولىپ سايلاندى. ءوز سوزىندە سەرىك ساپيەۆ كەڭەس مۇشەلەرىنە وزىنە ارتقان سەنىمى ءۇشىن العىس ءبىلدىرىپ، بىرلەسكەن جۇمىستى ءارى قاراي جالعاستىرۋ قاجەتتىگىن ايتتى.

«قازاقستاننىڭ سپورت جانە دەنە شىنىقتىرۋ سالاسىنداعى مەملەكەتتىك ساياسات بۇقارالىق جانە جوعارى جەتىستىكتەر سپورتىن قاتار دامىتۋعا نەگىزدەلگەن. حالىقتى تۇراقتى تۇردە سپورتپەن اينالىسۋعا تارتۋ ماڭىزدى بولىپ سانالادى. ق ر مادەنيەت جانە سپورت مينيسترلىگى مەملەكەتتىك تاپسىرمانى ورىنداۋ اياسىندا جاسالعان جۇمىستاردىڭ ناتيجەسىندە سپورت جانە دەنە شىنىقتىرۋمەن تۇراقتى تۇردە اينالىساتىن ادامدار سانى 29,8 پايىزدى قۇرادى»، - دەدى سەرىك ساپيەۆ.

وتىرىس بارىسىندا كەڭەس مۇشەلەرى ءوز ەلدەرىندە اتقارىلىپ جاتقان جۇمىستار تۋرالى مالىمەت بەردى. سونىمەن قاتار قازاقستان رەسپۋبليكاسى مەن ت م د ەلدەرىندە اتالمىش سالادا جۇزەگە اسىرىلاتىن مەملەكەتتىك ساياسات ماسەلەلەرى قاراستىرىلدى. ەلىمىزدىڭ سپورت سالاسىنا تسيفرلىق تەحنولوگيالاردى ەنگىزۋ مەن 2021-2030 -جىلدارعا ارنالعان ت م د قاتىسۋشىلارىنىڭ سپورت جانە دەنە شىنىقتىرۋ سالاسىنداعى ستراتەگيا جوباسى تالقىلاندى.

كەزدەسۋ سوڭىندا ت م د قاتىسۋشى مەملەكەتتەرىنىڭ سپورت جانە دەنە شىنىقتىرۋ بويىنشا قابىلدانعان شەشىمدەرىنىڭ حاتتاماسىنا قول قويىلدى.

سپورت جانە دەنە شىنىقتىرۋ بويىنشا كەڭەس ت م د مەملەكەتتەرىندە جىل سايىن ءوتىپ تۇرادى. 2018 -جىلى شارا ارمەنيادا وتكەن بولاتىن. كەلەسى كەڭەس 2020 -جىلى ت م د مەملەكەتتەرىنىڭ العاشقى ويىندارىنىڭ اياسىندا تاتارستان استاناسى قازاندا ۇيىمداستىرىلادى.