ۇشاقتا نە ىستەۋگە بولمايدى؟

 1. جالاڭ اياق ءجۇرۋ ۇشاقتا اياق كيىمدى شەشىپ وتىرعانعا نە جەتسىن؟ ! الايدا سالوندا جالاڭ اياق جۇرۋگە بولمايدى. ويتكەنى ۇشاق قوعامدىق كولىك، دەمەك قانشا جەردەن تازا ۇستاۋعا تىرىسقانىمەن، ميكتوبتاردىڭ كوپتىگى كۇمانسىز.

 2. تاپجىلماي ءبىر ورىندا وتىرۋ اسپاندا كوپ ۋاقىتىن وتكىزەتىن جولاۋشىلار تەرەڭ كوكتامىردىڭ قان ۇيۋعا بەيىم كەلەدى. ماماندار ساياحاتتاۋدى جاقسى كورەتىندەر نە ءىسساپارعا كوپ شىعاتىندارعا كومپرەسسيالىق شۇلىق كيۋگە كەڭەس بەرەدى. وسى سەبەپتى ءبىر ورىندا ۇزاق ۋاقىت تاپجىلماي وتىرۋ زيان، مۇمكىندىك بولسا ءجۇرىپ قايتۋ كەرەك.

 3. لينزا تاعۋ ۇشار الدىندا لينزانى شەشىپ، كوزىلدىرىك تاققان دۇرىس. ويتكەنى ۇشاق سالونىنىڭ اۋاسى قۇرعاق بولعاندىقتان كوزدى تىتىركەندىرەدى.

 4. ورىندىقتىڭ ۇستىندەگى جەلدەتۋدى ءوشىرۋ ەگەر توڭىپ قالساڭىز، جەلدەتۋدى وشىرۋگە اسىقپاڭىز. سەبەبى جەلدەتۋ تەك اۋا سالقىنداتۋ قىزمەتىن عانا ەمەس، اۋرۋ تۋدىرۋشى ميكروبتاردى جويۋ قىزمەتىن اتقارادى.

 5. پودنوسقا تۇسكەن تاماقتى جەۋ ەسىڭىزدە بولسا، ورىندىقتىڭ ارقاسىنا ورناتىلعان پودنوستاردى ەشكىم زارارسىزداندىرمايدى. سول سەبەپتى ەشقاشان ونىڭ ۇستىنە تاماق، قاسىق سەكىلدى ماڭىزدى زاتتاردى قويماڭىز. Travelmath جۇرگىزگەن زەرتتەۋگە سايكەس، پودنوستىڭ ءبىر شارشى ديۋيمىندە ورتاشا العاندا 2 155 باكتەريا ءومىر سۇرەدى ەكەن. ونىڭ ۇستىنە پودنوستى تەك تاماق ءىشۋ ءۇشىن عانا قولدانبايتىن جولاۋشىلار بار ەكەنىن ەسكەرىڭىز.

 6. شولدەگەنگە ءمان بەرمەۋ دۇنيەجۇزىلىك دەنساۋلىق ساقتاۋ ۇيىمىنىڭ دەرەگىنە سايكەس، ۇشاقتىڭ سالونىنداعى ىلعالدىلىق %20  دان تومەن. بۇل سالوننىڭ گەرمەتيزاتسياسى ءۇشىن جاسالادى. ەگەر شولدەسەڭىز جولسەرىككە سۋ اكەپ بەرۋىن ءوتىنىڭىز جانە بارىنشا كوپ سۋ ىشۋگە تىرىسىڭىز.

7. قىسقا كيىم كيۋ ۇشار الدىندا قىسقا شولاق شالبار، قىسقا بەلدەمشە نە كويلەك كيمەڭىز. سالوندا سالقىن بولاتىنىن جانە ورىندىقتاردى ەشكىم زارارسىزداندىرمايتىنىن ەسكەرىڭىز.

 8. كۇننەن قورعايتىن كرەم قولدانباۋ مامانداردىڭ ايتۋىنشا، ازاماتتىق اۆياتسيانىڭ پيلوتتارى ءبىر ساعاتتىق ۇشۋ كەزىندە سولياريدە 20 مينۋتتا الاتىن ۋلتراكۇلگىن ساۋلەسىن الادى ەكەن. تەرەزە جاقىن ورىندى تاڭداساڭىز مىندەتتى تۇردە كۇننەن قورعايتىن كرەم جاعىڭىز.

 9. ۇشۋ الدىندا ۇيىقتاۋ ۇشاق اۋەگە كوتەرىلگەننەن سوڭ عانا ۇيىقتاڭىز. جولسەرىكتىڭ ايتقان نۇسقاۋلىعىن تىڭداپ، ۇشۋ كەزىندە ۇيىقتاماۋعا تىرىسىڭىز.

 10. گازدالعان سۋسىن ءىشۋ ۇشۋ كەزىندەگى قان قىسىمىنىڭ ايىرماسى ىشەكتە گاز تۇزىلۋگە اسەر ەتەدى. سول سەبەپتى گازدالعان سۋسىن نە شامپان ىشۋدەن باس تارتىڭىز.

Massaget.kz