ءجۇرسىن ەرمان ومىرلىك جارىمەن قالاي تانىسقانىن ايتىپ بەردى
بەلگىلى جۋرناليست، ايتىس جاناشىرى ءجۇرسىن ەرمان ومىرلىك جارىمەن بوزبالا شاعىندا تانىسقانىن ايتتى. مەكتەپ بىتىرمەي جاتىپ، ءبىر- ءبىرىن ۇناتقان عاشىقتار جوعارعى وقۋ ورنىنا دا بىرگە تاپسىرعان كورىنەدى. ايەلىم ءساندى كيىمدەرىمە قىزىقتى دەپ قالجىڭدادى جۋرناليست.
«كينوعا بارسا كاسسانىڭ الدىندا تۇرامىن، دۇكەنگە بارسا جولدان وتەم. جەڭگە، اپكەلەرىمدى، ءىنىمدى سالىپ قويدىم. باراتىن جەر قالدىرمادىم. اپام ءساندى كيىمدەردى ماعان الىپ بەرەدى. سىلاڭداپ جۇرەمىن، شاشىم قالىڭ، ادەمى جىگىتپىن»، - دەپ ماقتاندى ءجۇرسىن ەرمان.
سونىمەن قاتار، ءجۇرسىن ەرمان ايەلىن قالاي قاراتقانىن جاسىرمادى. بويىنداعى جاقسى قاسيەتتەردى كورسەتىپ، ارتىنان قالماي ءجۇرىپ، مويىن بۇرماسا دا قىزىقتىردىم دەيدى ول.
«ماعان نەگە قىزىقپايدى؟ گازەتتە ىستەيمىن، ولەڭ جازامىن. ەكى ولەڭنىڭ ءبىرى باقىتجامالعا ارنالىپ شىعىپ جاتادى. سۋرەتىن ءتۇسىرىپ، "قازاقستان ايەلدەرى" جۋرنالىنا شىعارىپ، ءتىل تابىستىق»، - دەيدى ءجۇرسىن ەرمان.