ءمادينا ءابىلقاسىموۆا تەڭگە باعامىنىڭ وزگەرۋىن ءتۇسىندىردى

نۇر-سۇلتان. قازاقپارات - ق ر ۇلتتىق بانكى ءتوراعاسىنىڭ ورىنباسارى ءمادينا ءابىلقاسىموۆا تەڭگە باعامىنىڭ وزگەرۋىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«تەڭگەنىڭ ايىرباس باعامى ءبىرىنشى كەزەكتە ىرگەلى فاكتورلارعا، مۇناي باعاسىنىڭ وزگەرۋىنە بايلانىستى. سوڭعى اپتادا الەمنىڭ الپاۋىت ەلدەرى اراسىنداعى ساۋدا تەكەتىرەسىنىڭ كۇشەيۋى تۇرعىسىندا نارىقتاعى مۇناي باعاسىنىڭ ءتيىستى تومەندەۋى بايقالدى. سايكەسىنشە، كوپتەگەن دامۋشى نارىقتاردىڭ ۆاليۋتالارىنا ءتيىستى دەڭگەيدە اسەر ەتتى»، - دەدى م. ءابىلقاسىموۆا پارلامەنت ءماجىلىسىنىڭ جالپى وتىرىسىنان كەيىن تىلشىلەر ساۋالىنا جاۋاپ بەرىپ.

ول ەلىمىزدە تەڭگەنىڭ ەركىن باعامى رەجيمى قالىپتاسقانىن ەسكە سالدى.

«تەڭگەنىڭ باعامىنا ىقپال ەتەتىن ىرگەلى فاكتورلارعا قاراي باعامنىڭ وزگەرۋى السىرەۋ نەمەسە نىعايۋ جاعىنا قاراي بولادى. سونىمەن قاتار، ىشكى نارىقتاعى سۇرانىس پەن ۇسىنىس تا تەڭگە باعامىنا اسەرىن تيگىزەدى. وسى ورايدا اتالعان باعىتتاعى جاعدايدى تىڭعىلىقتى باقىلاپ وتىرمىز»، - دەدى ۇ ب ءتوراعاسىنىڭ ورىنباسارى.

ەسكە سالا كەتسەك، 12 -ناۋرىزدا ق ر ۇكىمەتىنىڭ قاۋلىسىمەن ءمادينا ەراسىل قىزى ءابىلقاسىموۆا ق ر ۇلتتىق ەكونوميكا ءبىرىنشى ۆيتسە-ءمينيسترى بولىپ تاعايىندالعان بولاتىن.

ول 2018 -جىلدىڭ اقپان ايىنان باستاپ 2019 -جىلدىڭ اقپانىنا دەيىن ەڭبەك جانە حالىقتى الەۋمەتتىك قورعاۋ ءمينيسترى قىزمەتىن اتقارعان ەدى.