17:35, 04 - ماۋسىم 2019 | GMT +5
گولوۆكينمەن سەلفي جاساماق بولعان جىگىتتەر وعان تەلەفون لاقتىردى
نۇر- سۇلتان. قازاقپارات - گەننادي گولوۆكين نيۋ- يوركتە وتكەن بوكس كەشىنە قاتىستى. شاراعا كەلگەن بوكسشىنى كورگەن تابىنۋشىلارى ونىمەن سەلفي جاساماق بولعان، الايدا سپورتشى تەمىر قورشاۋدىڭ ار جاعىندا تومەندە تۇرعاندىقتان، جىگىتتەر وعان تەلەفوندى لاقتىرعان.
گولوۆكيننىڭ جانكۇيەرلەرى بىرنەشە مەتر جەردە تۇرعاندارىنا قاراماستان ونىمەن سۋرەتكە ءتۇسۋدى ءوتىنىپ، تەلەفوندارىن كورسەتكەن.
قازاقستاندىق بوكسشى ولاردان سمارتفوندى لاقتىرۋدى وتىنەدى. بوكسشى تومەننەن ەكى جانكۇيەرىمەن بىرگە سۋرەتكە ءتۇسىپ، تەلەفوندى وزدەرىنە قايتا لاقتىرعان.
وسى ءساتتىڭ ۆيدەوسى جەلىدە تاراپ كەتكەن.