قازاقستانداعى وڭىرلەر بويىنشا ايت نامازىنىڭ ۋاقىتى
مالىمەت قازاقستان مۇسىلماندارى ءدىني باسقارماسىنىڭ رەسمي سايتىنان (muftyat.kz) الىنىپ وتىر.
نۇر-سۇلتان جانە شىمكەنت قالالارىندا، سونداي-اق ماڭعىستاۋ، تۇركىستان، اتىراۋ، اقتوبە، اقمولا، سولتۇستىك قازاقستان، پاۆلودار، شىعىس قازاقستان وبلىستارىندا ورازا ايت نامازى وقىلاتىن ۋاقىت ساعات 07:00-گە بەلگىلەنگەن.
سونىمەن قاتار، ايت نامازى الماتى قالاسى مەن قىزىلوردا وبلىسىندا ساعات 06:00-دە، جامبىل، باتىس قازاقستان، الماتى، قاراعاندى وبلىستارىندا ساعات 06:30 كەزىندە وقىلادى.
اتاپ ايتقاندا، ءپىتىر ساداقاسى رامازان ايىندا، ياعني رامازان ايى باستالعاننان باستاپ ايت نامازىنا دەيىنگى ارالىقتا بەرىلۋ قاجەت. ەگەر ءپىتىر ساداقاسىن بەرمەگەندەر بولسا ءبىرىنشى كەزەكتە ايت نامازىنا دەيىن ءپىتىر ساداقاسىن بەرۋى ءتيىس. ايت نامازىنان كەيىن بەرىلگەن ءپىتىر ساداقا ءجاي ساداقا بولىپ قالادى.
ورازا ايتىنداعى مۇسىلماننىڭ جاساۋى ءتيىس امالدار: تاكبىر ايتۋ، ايت نامازىن وقۋ، نامازعا شىعار الدىندا قۇرما جەپ شىعۋ، جاڭا كيىم كيۋ، عۇسىل قۇيىنۋ، اتىرلەنۋ. ورازا جانە قۇربان ايت كۇندەرى ورازا ۇستاۋعا بولمايدى.
