قازاقستاندىقتار مۋزەيلەرگە كوبىرەك باراتىن بولعان
بۇل تۋرالى قازاقپارات Ranking.kz سىلتەمە جاساپ حابارلايدى.
پورتالدىڭ حابارلاۋىنشا، بىلتىر ەلدەگى مۋزەيلەر 10 ميلليارد تەڭگەگە قىزمەت كورسەتكەن. 2017 -جىلى بۇل كورسەتكىش 8,1 ميلليارد تەڭگەنىڭ كولەمىندە بولعان ەكەن. اتالمىش كەزەڭدە سالاداعى ءوسىم كورسەتكىشى 1,4 پايىز بولسا، بىلتىر 24,4 پايىزعا جەتكەن.
«42 جىل بۇرىن حالىقارالىق مۋزەيلەر كەڭەسى 18 -مامىردى حالىقارالىق مۋزەي كۇنى دەپ بەلگىلەدى. بۇل كۇندى الەمنىڭ 149 مەملەكەتىمەن بىرگە ءبىزدىڭ ەل دە تۇراقتى اتاپ ءوتىپ كەلەدى. وسى كۇن اياسىندا «مۋزەيدەگى ءتۇن»، «مۋزەيدەگى كۇن» سياقتى شارالار ۇيىمداستىرىلىپ جالپى حالىقتىڭ مۋزەيگە نازارى كوبىرەك اۋا باستادى»، - دەلىنگەن پورتالدىڭ اقپاراتىندا.
جىل ىشىندە ەلىمىزدە 5 مۋزەي جاڭادان اشىلىپ، جالپى سانى 245 كە جەتكەن. مۋزەيى كوپ وڭىرلەردىڭ كوشىن 28 مۇراجايى بار الماتى وبلىسى باستاپ تۇر.
ەكىنشى ورىندا 27 مۋزەيى بار تۇركىستان وبلىسى، ءۇشىنشى ورىندى 20 مۋزەيى بار اقتوبە وبلىسى يەلەنگەن.
2018 -جىلى مۋزەيگە كەلۋشىلەرمەن قاتار ەكسپوناتتار سانى ارتقان. جالپى ءوسىم 1,8 پايىزدى قۇراپ، 2,5 ميلليونعا جەتكەن.
Ranking.kz-تىڭ مالىمەتىنە سۇيەنسەك، ەكسپوناتتاردىڭ ەلەكتروندىق نۇسقاسىن كوشىرۋ جۇمىسى دا جاندانعان. ءبىر جىلدىڭ ىشىندە ەلەكتروندىق جادىگەرلەر سانى 14,1 پايىزعا ارتىپ، 837,4 مىڭعا جەتكەن.