قىتايداعى قانداستاردىڭ ادەبيەتى بىزگە جەتپەي وتىر - ۇلىقبەك ەسداۋلەت
«قازىر جازۋشىلار وداعى شەتتەگى قانداستاردىڭ اراسىندا قانشا ەڭبەك جارىققا شىقتى دەگەنگە ساندىق ءتىزىم جاساپ جاتىر. باسقاسىن ايتپاعاندا، ءبىر عانا موڭعوليانىڭ بايان- ولگيي ايماعىنىڭ وزىنەن بۇگىنگە دەيىن 50 رومان جارىققا شىعىپتى. ساۋساقپەن سانارلىق قانا جازۋشىسى بار بايان- ولگەيدىڭ قازاق وقىرمانىنا بەرگەنى وسى. ال 3 ميلليونعا تارتا قانداسىمىز تۇرىپ جاتقان قىتايداعى قازاق ادەبيەتىنىڭ بىزگە جەتپەي جاتقانى انىق. وعان ءبىر سەبەپ - قىتايداعى قانداستارىمىز لاتىنشا دا ەمەس، كريلشە دە ەمەس، باياعى احمەت الىپبيىمەن جازۋى. بۇل جازۋدى قازاقستاندا وقي الاتىندار از» - دەدى ول.
سونىمەن قاتار، ۇلىقبەك ەسداۋلەت بۇل ماسەلەنىڭ ءتۇيىنىن شەشىپ وتىرعان ءبىر باسپانىڭ جۇمىسى توقتاپ قالعانىن دا الدىعا تارتى.
«بۇعان دەيىن دۇنيەءجۇزى قازاقتارى قاۋىمداستىعىنىڭ جانىنان «اتا جۇرت» دەگەن باسپا جۇمىس ىستەپ، شەتتەگى قانداستارىمىزدىڭ كىتاپتارىن قايتا باستىرىپ كەلىپ ەدى. قازىرگى كەزدە سول باسپانىڭ دا جۇمىسى شاتقاياقتاپ تۇر. وسىنى قايتا قولعا الىپ، جاڭعىرتۋ كەرەك» - دەدى جازۋشىلار وداعىنىڭ ءتوراعاسى.
ەستەرىڭىزگە سالا كەتەيىك، بۇگىن نۇر- سۇلتاندا «وتانداستار قورى» ك ە ا ق جانىنان قۇرىلعان قوعامدىق كوميسسيانىڭ العاشقى وتىرىسى وتكەن بولاتىن. وندا شەتەلدەگى قانداستاردى قولداۋ باعدارلاماسى تانىستىرىلعان ەدى.
ەرجان جاۋباي