قاسىم- جومارت توقايەۆ: الەۋمەتتىك جەلىلەردە جۇمىس ىستەيمىن

«ماعان الەۋمەتتىك جەلىلەر جات ەمەس، ياعني الەۋمەتتىك جەلىلەردە جۇمىس ىستەيمىن. كەيبىر تاپسىرمالاردى WhatsApp ارقىلى بەرەمىن. قاۋىپسىزدىك تۇرعىسىنان دۇرىس بولماۋى مۇمكىن، الايدا تاپسىرمالار جەدەل تۇردە جۇكتەلەدى»، - دەدى قاسىم- جومارت توقايەۆ.

بۇدان بولەك، تەلەارنا ءتىلشىسى مەملەكەت باسشىسىنىڭ Twitter- دەگى پاراقشاسى تۋرالى سۇرادى.

بۇل ورايدا پرەزيدەنت Twitter- ءدى ب ۇ ۇ- داعى قىزمەتىنەن بەرى پايدالانىپ كەلە جاتقانىن جەتكىزدى.

«ول جەردە Twitter- دە ءوزىڭنىڭ جەكە پاراقشاڭدى جۇرگىزۋ دۇرىس سانالاتىن. بايلانىستىڭ وسى تۇرىنە ابدەن ۇيرەنىپ قالدىم. Twitter دەگەن نە؟ بۇل جەكە تەلەگراف اگەنتتىگىڭ ىسپەتتى»، - دەدى پرەزيدەنت.

 بۇل تۇرعىدا مەملەكەت باسشىسى اتالعان پاراقشاسى ارقىلى ءوزىنىڭ پىكىرى مەن تاپسىرمالارىن ءجيى جاريالاپ تۇراتىنىن، سونداي- اق كوتەرىلگەن ناقتى ماسەلەلەر بويىنشا ەل حالقى جەدەل حاباردار بولاتىنىن ايتتى.

«سونىمەن قاتار، مەندە Instagram-دا پاراقشام بار. ءبىراق تا ونى پرەزيدەنت بولعاننان كەيىن اشتىم، ياعني بۇل پاراقشانى اشۋعا كەڭەس بەردى»، - دەدى قاسىم- جومارت توقايەۆ.

اۆتور: رۋسلان عابباسوۆ