شەتەلدەگى قازاق دياسپوراسىنا قاتىستى الدىمىزدا ۇلكەن مىندەتتەر تۇر - نۇرتاي ابىقايەۆ
وتىرىستىڭ باستى ماقساتى - ەلباسى شەتتەگى جانە ەلگە كوشىپ كەلەتىن اعايىندى قولداۋ ءۇشىن «وتانداستار» قورى» مەن «دۇنيەءجۇزى قازاقتارى قاۋىمداستىعىنا» بىرلەسىپ، وتانداستارعا جان- جاقتى قولداۋ جانە كومەك بەرۋدىڭ ءىس- شارالارىن انىقتاپ بەرگەن شارالاردى اتقارۋ.
شەتتەگى قانداستارىمىزعا بايلانىستى مەملەكەتتىك ساياساتتىڭ نەگىزگى باعىتتارى:
- شەتتەگى قانداستارىمىزدى جان- جاقتى قولداۋ؛
- قازاقستانعا كوشىپ كەلگەن اعايىنداردىڭ بەيىمدەلۋىنە كومەك بەرۋ؛
- مەملەكەتتىك دياسپورالىق ساياساتتى باعدارلامالىق جانە زاڭنامالىق قۇجاتتارمەن قامتاماسىز ەتۋ.
كوميسسيانىڭ نەگىزگى مىندەتى - مەملەكەتتىك دياسپورالىق ساياساتتى قالىپتاستىرۋدا جانە وتانداستارعا قولداۋ كورسەتۋدە اتقارىلاتىن شارالاردىڭ جۇزەگە اسىرىلۋىنا جان- جاقتى ىقپال ەتۋ.
كوميسسيانىڭ شەشىمى بويىنشا ونىڭ جۇمىسىنا مەملەكەتتىك ورگانداردىڭ، قوعامدىق بىرلەستىكتەردىڭ وكىلدەرى، سونداي- اق كوميسسيا قىزمەتىنە قولداۋ كورسەتەتىن جانە جاردەمدەسەتىن ادامدار قاتىسا الادى.
«قوعامدىق كوميسسيا، ءوز جۇمىسىن بۇكىل الەم قازاقتارىن تاريحي جانە ەتنيكالىق وتانى توڭىرەگىندە بىرىكتىرۋ يدەولوگياسىن نەگىزگە الا وتىرىپ، قازاق دياسپوراسىنا قاتىستى مەملەكەتتىك ساياساتتى قالىپتاستىرۋعا باعىتتايتىنىنا سەنىمدىمىن. الدىمىزدا ۇلكەن مىندەتتەر تۇر، ولاردى شەشۋ جولىندا بىرلەسىپ قىزمەت اتقارۋعا شاقىرامىن»، - دەدى قوعامدىق كوميسسيانىڭ العاشقى وتىرىسىندا «وتانداستار قورى» ك ە ا ق- نىڭ پرەزيدەنتى نۇرتاي ابىقايەۆ.
قوعامدىق كوميسسيانىڭ كۇن تارتىبىندە «وتانداستار» قورىنىڭ نەگىزگى قىزمەتى مەن جوبالارى، سونداي-اق، كوميسسيانىڭ ۇيىمداستىرۋشىلىق شارالارى تالقىلانادى.
كوميسسيا قۇرامىنا سايلانعان مەملەكەتتىك جانە قوعام قايراتكەرلەرى - قۋاندىق تۇرعانقۇلوۆ، تۇركى تانۋ جانە التاي عىلىمي- زەرتتەۋ ورتالىعىنىڭ ديرەكتورى - سارتقوجا قارجاۋباي، ق ر پارلامەنت ءماجىلىسىنىڭ دەپۋتاتى بەيبىت مامىرايەۆ، قازاقستان زاڭگەرلەرى وداعىنىڭ ءتوراعاسى سەرىك اقىلباي، «ەگەمەن قازاقستان» رەسپۋبليكالىق گازەتى ا ق باسقارما ءتوراعاسى دارحان قىدىرالى، سونداي اق عالىمدار، ساياساتتانۋشىلار جانە باسقا دا قوعام بەلسەندىلەرى قوعامدىق كوميسسيانىڭ ءتوراعالىعىنا ۇسىنىلعان ق ر پارلامەنت سەناتىنىڭ دەپۋتاتى مۇرات باقتيار ۇلىن قولدادى.
ديالوگ الاڭىنىڭ جۇمىسى بارىسىندا «وتانداستار قورى» ك ە ا ق- نىڭ قىزمەتىنىڭ نەگىزگى باعىتتارى تۋرالى تانىستىرىلىم جاسالىپ، جان- جاقتى تالقىلاۋعا سالىندى.
سونداي- اق، قوعامدىق كوميسسيانىڭ 2019 -جىلعا ارنالعان جۇمىس جوسپارى ماقۇلدانىپ، otandastar.org.kz رەسمي پورتالىنىڭ ىسكە قوسىلعانعاندىعى جاريالاندى.
ەرجان جاۋباي
