اياگوز شىعىس قازاقستانداعى ەڭ كورىكتى قالالاردىڭ بىرىنە اينالماق

 ول ءۇشىن كەشەندى جوسپارلار قولعا الىنىپ وتىر. كوشەلەر جوندەلىپ، ساياباقتار قاتارى ارتپاقشى. جارىقتاندىرۋ، اعاش وتىرعىزۋ جۇمىستارى دا قارقىن الادى. قازىردىڭ وزىندە 10 مىڭنان استام شىرشا، قاراعاي، قايىڭ كوشەتتەرى وتىرعىزىلعان. كوپقاباتتى ۇيلەردىڭ اۋلالارىن اباتتاندىرۋ دا باستى نازاردا.

 40 مىڭنان استام حالقى بار اياگوز شاھارىندا بۇرىن نازاردان تىس قالىپ كەلگەن كوشەلەر كوپ. كوكتەم مەن كۇزدە حالىق باتپاق كەشىپ ابىگەرگە تۇسەتىن بۇل جەرلەردە. مامبەتوۆ كوشەسىنىڭ تۇرعىندارى يگى وزگەرىسكە ءدان ريزا.

ەربولسىن ءابدىلدىنوۆ، قالا تۇرعىنى:

 - كوشەمىزدى تەگىستەپ، قۇم توگىپ جاتىر. بۇل جاقسى بولدى. بۇرىن بالشىقپەن مۇلدە جۇرە المايتىنبىز. ءبارىن قولعا الىپ جاتىر. ەندى بولاشاقتا اسفالت تەگىستەيىن دەپ جاتىر. تاپ وسىنداي اقانايەۆ، اققوجا بي، سۇلەيمەنوۆ، قوشقاربايەۆ سياقتى كوشەلەر بيىل رەتكە كەلتىرىلمەك. قۇم توگىلىپ، اسفالت توسەلەدى. قالاداعى 107 كوشەنىڭ بيىل جارتىسىنا جۋىعىن وڭ وزگەرىس كۇتىپ تۇر. ول ءۇشىن قازىنادان 330 ميلليون تەڭگە بولىنگەن. كوپتەگەن كوشەلەر كوممۋنالدىق كاسىپورىن تەحنيكالارىنىڭ كۇشىمەن بيۋدجەت قاراجاتىن 5 ەسە ۇنەمدەۋ ارقىلى شارۋاشىلىق ادىسپەن جۇرگىزىلمەك.

دىلدابەك ورازبايەۆ، اياگوز اۋدانىنىڭ اكىمى:

 - مەن الەۋمەتتىك جەلىلەرگە قاراپ، ءوزىم ساراپتاما جاسادىم. سونداعى 70-80 پروتسەنت حالىقتىڭ سۇراپ جاتقانى كوشە جوندەۋ، جارىقتاندىرۋ، اۋىزسۋ ماسەلەلەرى بولىپ تۇر. بۇل ماسەلەلەردىڭ بارىنە مەملەكەتتەن قاراجات ءبولىنىپ جاتىر، اۋىزسۋ ماسەلەسىنە. ونى دا ءبىز جوسپارلى تۇردە شەشەتىن بولامىز. الداعى 3 جىلدىڭ ىشىندە اياگوز قالاسىن شىعىستاعى جاقسى قالالاردىڭ بىرەۋىنە اينالدىرامىز دەپ جوسپارلاپ وتىرمىز.

 قالانى كوركەيتۋ ءۇشىن كوكتەمدە 10 مىڭعا جۋىق اعاش وتىرعىزىلىپتى. كۇزدە تاعى 6 مىڭ كوشەت ەگۋ كوزدەلگەن. شاھاردىڭ شەتىندەگى شاعىن اۋداندارعا جاڭادان 2 ساياباق سالۋ، كوپقاباتتى تۇرعىن ۇيلەردىڭ اۋلالارىن اباتتاندىرىپ، بالالار ويىن الاڭىن جاساۋ دا كەشەندى جوسپاردىڭ ءبىر بولىگى.

www.24.kz