يزرايلدە كوگالداندىرۋ جۇمىستارى قالاي جۇرگىزىلدى؟
ال بۇعان كەتەتىن قاراجاتتى قالا تۇرعىندارىنان جينايدى. الدىنا الا ويلاستىرىلعان جۇيەنىڭ ارقاسىندا ايماق جايقالعان تال تەرەككە تولى. يزرايل ءشولدى جەردە ورنالاسقانىنا قاراماستان، وندا كوگالداندىرۋ ءىسى جۇيەگە قويىلعان.
اينالا تولى گۇلزارلار مەن ساياباقتار، ءتىپتى سەرۋەندەۋگە ارنالعان جاسىل جەلەكتى ورىندار دا جەتكىلىكتى. ەلدە كەز كەلگەن قۇرىلىس جۇمىستارى مىندەتتى تۇردە اعاش وتىرعىزۋمەن اياقتالادى. كوگالداندىرۋمەن مۋنيتسيپاليتەتتەگى ارنايى بولىمدەر مەن لاندشافتىق ديزاينعا جاۋاپتى ساۋلەتشىلەر اينالىسادى.
شيمون كانەتسەلسون، اشدود قالا مەرىنىڭ ورىنباسارى:
- قالادا قۇرىلىس باستالماس بۇرىن جوبا كوگالداندىرۋ ارحيتەكتۋراسىمەن ماقۇلدانۋى كەرەك. ياعني ءاربىر گۇلزار مەن اعاشتىڭ قايدا وتىرعىزىلاتىنى الدىن الا بەلگىلەنەدى. بۇل - اشدود قالاسىنىڭ ەڭ ۇلكەن ساياباقتارىنىڭ ءبىرى. ونى كوركەيتۋ ءۇشىن مەريا 30 ميلليون ەۋرو جۇمسادى. كوگالداندىرماس بۇرىن بۇل جەردىڭ بارلىعى قۇمدى بولعان. وتىرعىزىلعان ءاربىر اعاش ءتۇبى ارناي جۇيەمەن سۋارىلادى. اعاشتى قاجەتتى مولشەردە ىلعالداندىرىپ وتىرۋ ءۇشىن ءاربىر ءتۇپتىڭ جانىندا سۋلاندىرۋ جۇيەسى ورناتىلعان. ءار ساياباقتى قاداعالاپ وتىراتىن باسشى بار. قۋراعان اعاشتاردىڭ ورنىنا مىندەتتى تۇردە باسقاسى وتىرعىزىلادى. بالالار وينايتىن الاڭ دا ءجىتى باقىلاۋدا. ال بۇل جۇمىستارعا كەتەتىن شىعىن جەرگىلىكتى تۇرعىنداردىڭ تولەيتىن «ارنونا»، ياعني مۋنيتسيپاليتەت سالىعىنان جۇمسالادى.
www.24.kz