قازاق- قىرعىز شەكاراسىندا ب ۇ ۇ- نىڭ ەسىرتكى قىلمىسىنا قارسى كەڭسەسى اشىلدى
بۇل تۋرالى ق ر ۇ ق ك شەكارا قىزمەتىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.
كەڭسەنىڭ اشىلۋ سالتاناتىنا ق ر ۇ ق ك ءتوراعاسىنىڭ ورىنباسارى - شەكارالىق قىزمەت ديرەكتورى دارحان ءدىلمانوۆ، ب ۇ ۇ ە ق ب ورتالىق ازياداعى ايماقتىق وكىلدىگىنىڭ وكىلى اشيتا ميتتال، قىرعىز رەسپۋبليكاسى مەملەكەتتىك شەكارا قىزمەتىنىڭ ءتوراعاسى ۇلاربەك شارشەيەۆ، قازاقستان رەسپۋبليكاسىنداعى جاپونيا ۇكىمەتى ساياسي ءبولىمىنىڭ باسشىسى حيدەاكي يامادزۋمي مەن ب ۇ ۇ ە ق ب باعدارلاماسىنىڭ حالىقارالىق ۇيلەستىرۋشىسى يۋسۋف كۋربونوۆ قاتىستى.
شەكارالىق ءوزارا ارەكەت ەتۋ كەڭسەسىندە شەكارالىق باقىلاۋ ماماندارىن دايارلايتىن «وقى سىنىبى» بار.
«قازىرگى تاڭدا ق ر ۇ ق ك شەكارا قىزمەتىنىڭ ب ۇ ۇ ە ق ب ايماقتىق وكىلدىگىمەن ورناتقان ىنتىماقتاستىق دەڭگەيى مەملەكەتتىك شەكارادا تۋىنداعان ماسەلەلەردى ءتيىمدى رەتتەۋگە مۇمكىندىك بەرەدى. ايماقتىق وكىلدىك وسىنداي كەڭسەنى ت م د- نىڭ وزگە ەلدەرىنە دە اشۋدى كوزدەۋدە. كەڭسەنىڭ قاجەتتى باعدارلامالارمەن جانە تەحنيكالىق قۇرىلعىلارمەن قامتاماسىز ەتىلۋى، و ق ۋ ترەنينگتەرىنىڭ ۇيىمداستىرىلۋى، سەمينارلار مەن شەكاراداعى اقپارات الماسۋ - شەكاراداعى زاڭسىز ارەكەتتەردىڭ جولىن ۋاقتىلى كەسۋگە مۇمكىندىك بەرەدى» ، - دەلىنگەن حابارلامادا.