ديماش قۇدايبەرگەن جەكە سايتىن ىسكە قوستى
«سايت ىسكە قوسىلدى، ءبىراق ول تەك بەتا- رەجيمدە جۇمىس ىستەپ تۇر. ءالى جاسالاتىن جۇمىستارى از ەمەس. اعىمداعى ايدارلارىندا تالاي وزگەرىستەر بولادى جانە جاڭا فۋنكتسيالار ىسكە قوسىلادى. ءبىز سايتتى جاقسارتۋ ءۇشىن فاناتتار پىكىرىمەن ساناسىپ، جۋرناليستەرمەن جانە ساراپشىلارمەن بەلسەندى جۇمىس ىستەپ جاتىرمىز» ، - دەيدى ءانشىنىڭ PR- ورتالىعى.
سايتتا ديماش جانە ونىڭ جوسپارلارى تۋرالى جاڭالىقتار جاريالانادى، سونداي- اق الداعى كونسەرتتەرىنىڭ افيشاسى بولادى. سايت كۇندەلىكتى جاڭارتىلىپ وتىرادى. ونى ديماشتىڭ كومانداسى دا، ءانشىنىڭ فاناتتارى دا تولىقتىرىپ وتىرادى.
«سايتتىڭ ماڭىزدى بولىگى تىڭدارماندارعا ارنالادى، ول جەردە «Dears» (ديماشتىڭ فاناتتارى - اۆت. ) ءوز شىعارماشىلىعىمەن، اسەرلەرىمەن جانە جوسپارلارىمەن بولىسە الادى. سايتتىڭ دامۋىنداعى اسا ماڭىزدى كەزەڭ - قازاقستان تۋرالى ايداردىڭ اشىلۋى. وندا ديماش ءارتۇرلى ەلدەردەگى فاناتتارىنا ءوز وتانىنىڭ ادەمى ورىندارىن، ەرەكشەلىكتەرىن، قازاقستان مادەنيەتى مەن تابيعاتى قانشالىقتى سانالۋان ەكەنىن ايتىپ جانە كورسەتىپ وتىرادى» ، - دەلىنگەن حابارلامادا.
ەسكە سالا كەتەيىك، بۇعان دەيىن ديماش قۇدايبەرگەن «جاڭا تولقىن» بايقاۋىنا شاقىرىلعان بولاتىن.