ماڭعىستاۋدا ۇلىن جۇرگىزۋشى ەتىپ جۇمىسقا العان اكىم جازالاندى
Facebook الەۋمەتتىك جەلىسىندە سەنەك اۋىلىنىڭ اكىمى جەكە شارۋالارىنا قىزمەتتىك كولىكپەن باراتىنى، جۇرگىزۋشىسى ءوزىنىڭ بالاسى ەكەنى جانە بالاسى قالادا جۇمىس ىستەيتىنى جونىندە جازبا جاريالانعان.
ادەپ كەڭەسىنە كەلگەن اكىم اۋىلدا باسقا كولىك جۇرگىزۋشىسى تابىلماعاندىقتان ۇلىن سەلو اكىمىنىڭ قىزمەتتىك كولىگىنە جۇرگىزۋشى ەتىپ جۇمىسقا العانىن، قىزمەتتىك كولىك اكىمشىلىك اۋماعىنداعى شارۋاشىلىق قوجالىقتارىنا باراتىنىن جانە بالاسى باسقا سەرىكتەستىككە اۋىسىمدىق جۇمىسقا ورنالاسقاننان كەيىن تابەلگە تەك جۇمىسقا كەلگەن كۇندەرىن عانا كورسەتىپ وتىرعانىن جەتكىزدى.
الايدا، قوسىمشا تەكسەرۋ كەزىندە سەنەك اۋىلى اكىمدىگىنىڭ اپپاراتىنان «كولىك جۇرگىزۋشى» ماماندىعى بويىنشا سۇرانىس بولماعانى انىقتالدى.
بۇعان قوسا، سەرىكتەستىكتە اۋىسىمدىق جۇمىسقا ورنالاسۋىنا بايلانىستى اۆتوكولىك جۇرگىزۋشى بالاسىنا قاتىستى جۇمىس ۋاقىتىن قىسقارتۋ تۋرالى وكىم شىعارىلماي، تەك تابەلگە جۇمىس اتقارعان ۋاقىتىنا ساعات بەلگىلەۋمەن شەكتەلىپ كەلگەن.
كەڭەس مۇشەلەرى اكىم ب. ەركەعۇلوۆتىڭ ءوز كىناسىن مويىنداعانىن ەسكەرىپ، ادەپ كودەكسىنىڭ تالابىن بۇزعانى ءۇشىن وعان «سوگىس» تۇرىندەگى تارتىپتىك جازا قولدانۋ تۋرالى شەشىم قابىلدادى.
اۆتور: ءلايلىم ءالىم