اسقار مامين اشحابادتا تۇرىكمەنستان پرەزيدەنتىمەن كەزدەستى
ساۋدا- ەكونوميكالىق قاتىناستاردىڭ بارلىق باعىتتارى بويىنشا قازاقستاندىق- تۇرىكمەنستاندىق ىنتىماقتاستىق پەرسپەكتيۆالارى تالقىلاندى.
ق ر پرەمەر- ءمينيسترى قازاقستان مەن تۇرىكمەنستان اراسىنداعى ەكىجاقتى قاتىناستار تۇراقتى تۇردە دامىپ جاتقانىن اتاپ ءوتتى.
«ءبىز ساۋدا- ەكونوميكالىق بايلانىستاردىڭ تەرەڭدەي تۇسۋىنە اسا ءمان بەرەمىز. كولىك ينفراقۇرىلىمى مەن ورتاق شەكارانىڭ بولۋىن ەسكەرگەندە، ءوزارا ءتيىمدى ىنتىماقتاستىقتى ودان ءارى نىعايتۋدىڭ ۇلكەن الەۋەتى بار»، - دەدى ا. مامين.
كەلىسسوزدەر بارىسىندا ەنەرگەتيكا، عارىش، اۋىل شارۋاشىلىعى سالالارىنداعى، اسكەري- ونەركاسىپتىك كەشەن، كولىك- ترانزيت دالىزدەرىن دامىتۋداعى ءوزارا ءىس- قيمىل كەلەشەگى اتالىپ ءوتتى.
«ءوزارا ساۋدا كولەمىن ەداۋىر ارتتىرۋعا قول جەتكىزۋ تۋرالى ورتاق مىندەت قويىلدى. قازاقستان بۇل مىندەتتى ىسكە اسىرۋ ءۇشىن بارلىق كۇش- جىگەرىن سالۋعا ءازىر»، - دەدى اسقار مامين.
اشحابادتا ق ر پرەمەر- ءمينيسترى ت م د- عا مۇشە ەلدەردىڭ ۇكىمەت باسشىلارى كەڭەسىنىڭ (ۇ ب ك) شاعىن جانە كەڭەيتىلگەن قۇرامداعى وتىرىستارىنا قاتىستى.
دوستاستىقتاعى بيىلعى جىل تۇرىكمەنستان رەسپۋبليكاسىنىڭ توراعالىعىمەن ءوتىپ جاتىر.
ت م د ۇ ب ك وتىرىسىنا رەسەي فەدەراتسياسىنىڭ پرەمەر- ءمينيسترى د. مەدۆەديەۆ، بەلارۋس پرەمەر- ءمينيسترى س. رۋماس، ازەربايجان پرەمەر- ءمينيسترى ن. مامەدوۆ، تاجىكستان پرەمەر- ءمينيسترى ك. راسۋلزودا، وزبەكستان پرەمەر- ءمينيسترى ا. اريپوۆ، ارمەنيا ۆيتسە- پرەمەرى م. گريگوريان، قىرعىزستان ۆيتسە- پرەمەرى ج. رازاكوۆ قاتىستى.
شاعىن قۇرامدا دەلەگاتسيالار باسشىلارى ت م د- داعى ەكونوميكالىق ءوزارا ءىس- قيمىلدىڭ وزەكتى ماسەلەلەرى بويىنشا پىكىر الماسىپ، ۇيىمداستىرۋشىلىق سيپاتتاعى ءبىرقاتار ماسەلەلەردى شەشتى.
ق ر پرەمەر- ءمينيسترى اسقار مامين ت م د ەلدەرىنىڭ نارىقتارى قازاقستان ءۇشىن ءداستۇرلى تۇردە باسىمدىققا يە ەكەنىن اتاپ ايتتى. قازاقستانننىڭ دوستاستىق ەلدەرىمەن تاۋار اينالىمى وڭ ديناميكاعا يە جانە 2018 -جىلدىڭ قورىتىندىسى بويىنشا % 8,4 ارتىپ، 24,3 ميلليارد دوللاردى قۇرادى.
دوستاستىق كەڭىستىگىندە ساۋدا- ەكونوميكالىق قاتىناستاردى ودان ءارى ينتەگراتسيالاۋ مەن نىعايتۋ ماقساتىندا نورماتيۆتىك بازانى جەتىلدىرۋ جۇمىستارىنىڭ ماڭىزدىلىعى اتالىپ ءوتتى. تاياۋ كەلەشەكتە قىزمەتتەرمەن ەركىن ساۋدالاسۋ تۋرالى كەلىسىمگە قول قويۋ تمد ەلدەرىنە قىزمەتتەر اينالىمىن ارتتىرۋعا جول اشادى.
ق ر ۇكىمەتىنىڭ باسشىسى ينتەگراتسيانى دامىتۋ ارقىلى ساپالى ءوسىمدى كۇشەيتۋ شارالارىنىڭ قاتارىندا وندىرىستىك قۋاتتىلىقتار كووپەراتسياسىن، كولىك- لوگيستيكا الەۋەتىن ارتتىرۋدى، وزەكتى سيفرلىق كۇن ءتارتىبىن قالىپتاستىرۋ، ادامي كاپيتالدى دامىتۋ، ينۆەستيتسيالىق احۋالدى جاقسارتۋدا كۇش- جىگەردى بىرىكتىرۋدى اتاپ ءوتتى.
اتقارۋشى كوميتەتكە اتالعان ۇسىنىستاردى جان- جاقتى زەردەلەپ، ولاردى ازىرلەنىپ جاتقان ت م د ودان ءارى دامىتۋ تۇجىرىمداماسىنىڭ جانە 2030 -جىلعا دەيىنگى كەزەڭگە ت م د ەكونوميكالىق دامىتۋ ستراتەگياسىنىڭ اياسىندا قاراستىرۋ ۇسىنىلدى.
كەڭەيتىلگەن قۇرامداعى وتىرىستىڭ باستى تاقىرىپتارى يننوۆاتسيالىق ىنتىماقتاستىقتى دامىتۋ، زياتكەرلىك مەنشىك نىساندارىنىڭ قۇقىعىن قورعاۋ، كولىك- لوگيستيكالىق جانە تۋريستىك سالالاردا ءوزارا ءىس- قيمىلدىڭ تيىمدىلىگىن ارتتىرۋ، سيفرلىق ەكونوميكانى دامىتۋ، عارىش سالاسىندا جوبالاردى ىسكە اسىرۋ بولدى.