15:33, 31 - مامىر 2019 | GMT +5
گولليۆۋد جۇلدىزى گولوۆكيننىڭ جەكپە- جەگىنىڭ الدىندا بوكسشى تۋرالى فيلم ءتۇسىردى
نۇر-سۇلتان. قازاقپارات - گولليۆۋد اكتەرى جانە پروديۋسەر مارك ۋولبەرگ قازاقستاندىق بوكسشى گەنناديي گولوۆكيننىڭ جانكۇيەرى بولىپ تابىلادى. ول گولوۆكين تۋرالى جاڭا بەينەفيلمنىڭ قوسالقى پروديۋسەرى اتاندى. بۇل تۋرالى Boxingscene.com پورتالى حابارلايدى.
گولوۆكيننىڭ كانادالىق ستيۆ روللسپەن الداعى جەكپە- جەگىنە ارنالعان فيلم «40 كۇن» اتاۋىمەن جارىق كورەدى.
«بوكستىڭ جانكۇيەرى رەتىندە، گەننادييدى جانە ونىڭ ايرىقشا ءتاسىلىن كورسەتۋ ءۇشىن DAZN پلاتفورماسىمەن سەرىكتەس بولاتىنىما قۋانىشتىمىن» ، - دەيدى مارك ۋولبەرگ.
«ءبىز ءتۇسىرىلىم توبىمەن 40 كۇن بويى جاتتىعۋ لاگەرىندە باستان- اياق بولدىق. بوكس جانكۇيەرلەرى دجوناتان بەنكس پەن مەنىڭ مەديسون سكۆەر گاردەن جەكپە- جەگىنە دايىندىعىمىزدى كورە الادى» ، - دەيدى گولوۆكين.
DAZN وكىلى دجەيمي گوروۆيتستىڭ سوزىنشە، گولوۆكين ءوزىنىڭ وقيعاسىن مارك ۋولبەرگ پەن پيتەر بەرگ جاقسى بايانداپ بەرە الاتىنىن ايتقان.