تۇركىستاندا حالىق تۇتىناتىن تاۋارلار ءوندىرىسى دامىتىلادى

تۇركىستان. قازاقپارات - تۇركىستاندا وبلىس اكىمىنىڭ ورىنباسارى مەيىرجان مىرزاليەۆتىڭ قاتىسۋىمەن وبلىستىق كاسىپكەرلەر پالاتاسىندا «قاراپايىم زاتتاردىڭ ەكونوميكاسى» جۇيەسىنىڭ سالالارىن دامىتۋ بويىنشا ايماقتىق جوبالىق القانىڭ وتىرىسى ءوتتى، دەپ حابارلايدى قازاقپارات.

تۇركىستان وبلىسى كاسىپكەرلەر پالاتاسى جانىنان قۇرالعان «قاراپايىم زاتتار ەكونوميكاسى» جوبالىق القاسىنىڭ مۇشەلەرى حالىق تۇتىناتىن تاۋارلاردى ءوندىرۋدى دامىتۋ، سونداي- اق باعدارلاماعا قاتىسۋ ءۇشىن اپتا سايىن «دوڭگەلەك ۇستەلدەر» مەن كەزدەسۋلەر وتكىزەدى.

كەزدەسۋ بارىسىندا كاسىپكەرلەر پالاتاسىنىڭ ديرەكتورى دىنمۇحامەد ءابساتتاروۆ جوبا كەڭسەسىنىڭ مۇشەلەرىن ايماقتاعى جەڭىلدەتىلگەن نەسيە باعدارلامالارىن جۇزەگە اسىرۋمەن تانىستىردى.

قازىرگى ۋاقىتتا كەڭسەدە 44 ميلليارد 206 ميلليون تەڭگە سوماعا 100-دەن استام جوبا بار، ونىڭ ىشىندە ەكىنشى دەڭگەيلى بانكتەردە 5 جوبا قاراستىرىلۋدا. حالىق بانكى 7 ميلليارد تەڭگە تۇراتىن ءبىر جوبانى ماقۇلداعان. ول - تۇركىستان قالاسىنداعى قوناق ءۇيدىڭ قۇرىلىسى.

 «سونداي- اق، جوبانى قولداۋ پروتسەسىندە انىقتالعان الاڭداۋشىلىق تۋدىراتىن ماسەلەلەر تالقىلاندى. ماسەلەن، اۋىلشارۋاشىلىق تاۋار وندىرۋشىلەر ءوز كىرىستەرىنىڭ بارلىق كوزدەرىن كورسەتە المايدى، سوندىقتان كوپتەگەن جوبالار رەسمي قارجىلىق تالداۋدان وتپەيدى. سونىمەن بىرگە، اۋىل تۇرعىندارىنىڭ كوپشىلىگى قاراجاتتى ماقساتتى پايدالانۋدى ءبىرقاتار راستاۋدا ماسەلەلەر بار. مىسالىعا، رەسمي دۇكەندەر ارقىلى تىركەلگەن جانە اينالىمداعى كاپيتالدى ساتىپ الۋ قىمباتقا تۇسەدى. سونىمەن قاتار، كاسىپكەرلەر ءوتىنىشتى قاراۋدىڭ ۇزاق مەرزىمىنە، كەپىلگە قويىلاتىن قاتاڭ تالاپتارعا شاعىمدانادى»، - دەلىنگەن وبلىس اكىمدىگىنىڭ باسپا ءسوز قىزمەتى تاراتقان اقپاراتتا.

پالاتانىڭ ساراپشىلارى كاسىپكەرلەردىڭ ءوتىنىشى بويىنشا ەكونوميكانىڭ باسىم سەكتورلارىنا ەنۋ ءۇشىن سالالارعا تالداۋ جۇرگىزگەن. ءتيىستى ۇسىنىستار سالالىق مينيسترلىكتەرمەن كەلىسىلدى. وسىلايشا، «قاراپايىم زاتتار ەكونوميكاسى» باعدارلاماسىنىڭ باسىم باعىتتارى ەكونوميكانىڭ 6 سەكتورىن قامتىدى. سونداي- اق كاسىپكەرلەردىڭ جەڭىلدىكتى كەزەڭگە قاتىستى وتىنىشتەرى، پايىزدىق مولشەرلەمەنى تومەندەتۋ جانە ۇكىمەتكە ۇسىنىلعان ۇسىنىستاردىڭ بولماۋىنا كەپىلدىك بەرۋ تۋرالى وتىنىشتەر قارالدى. بۇدان باسقا، وبلىستا «قاراپايىم زاتتاردىڭ ەكونوميكاسى» باعدارلاماسىن جارىققا شىعارۋ بويىنشا اقپاراتتىق- ءتۇسىندىرۋ جۇمىستارىن بەلسەندى جۇرگىزىپ كەلەدى.