الماتىلىق تيىننىڭ «تاعدىرى» نە بولادى
ونىڭ ايتۋىنا قاراعاندا، ءتيىن اتالمىش ورىنعا قويىلعالى بەرى «اتاكەنت» اۋماعىندا ايتارلىقتاي اۋقىمدى قوعامدىق- مادەني كەڭىستىك قالىپتاسىپ قالعان. دەسە دە، وسى جىلدىڭ شىلدە ايىندا ءتيىن ءوزىنىڭ «تىرشىلىگىن توقتاتادى» . ايگىلى ارت- نىساندى جاڭا جوبا - Ecobەlka كۇتىپ تۇر.
«ءبىزدىڭ كوماندا كەرەمەت جوبا ويلاپ تاپتى - بۇل ەكو- ارت جوبا. وسى جازدا ءتيىننىڭ رەنوۆاتسياسىن ىسكە اسىرامىز. ءتيىن قايتالاما شيكىزاتتان جاسالادى» ، - دەيدى مايرا يزمايلوۆا.
ۇيىمداستىرۋشىلار ءتيىندى پلاستيك پانەلدەرمەن قاپتاعالى وتىر. ول پانەلدەر قايتا وڭدەلگەن پلاستيكتەردەن جاسالادى.
«تيىننىڭ ارقاۋىندا مەتالل مەن اعاشتان جاسالعان تىرەك بار. ءوزىنىڭ قىزمەت ەتۋ ۋاقىتىن اياقتاپ قويعان ساباندى الىپ تاستايمىز. سىرتقى قابىرشاقتى اۋىستىرىپ، ەسكى ارقاۋعا جاڭا ماتەريالدان جاسالعان پانەل ىلىنەدى. ءتيىن ەسكى قالپىندا قالعانىمەن، زامانعا ساي ستيل بويىنشا ەكوماتەريالداردان تۇراتىن بولادى» ، - دەيدى جوبانى ۇيىمداستىرۋشىلار.
ەسكە سالا كەتەيىك، بىلتىر الماتى وبلىسىندا سابان شوپتەن جاسالعان ءتيىن پايدا بولعانى تۋرالى جازعان بولاتىنبىز.
«تيىننىڭ قۇنى ميلليارد تەڭگە ەمەس. عالامتوردا تاراعان اقپارات - جالعان. ءتيىن - مەملەكەت پەن Funk اگەنتتىگىنىڭ بىرلەسىپ جۇزەگە اسىرعان جوباسى. مەملەكەت تاراپىنان 15 ميلليون تەڭگە قارجى جۇمسالدى، ال جوبانىڭ جالپى قۇنى 23 ميلليون تەڭگەنى قۇرادى» ، - دەدى Funk اگەنتتىگىنىڭ باسشىسى مايرا يزمايلوۆا.