12:06, 30 - مامىر 2019 | GMT +5
ساياحاتشىلار وتىرعان كەمە اپاتقا ۇشىرادى
نۇر- سۇلتان. قازاقپارات - ۆەنگريانىڭ دۋناي وزەنىندە بورتىندا 34 تۋريست وتىرعان كەمە اۋدارىلىپ ءتۇستى. رەيتەر اقپارات اگەنتتىگىنىڭ حابارلاۋىنشا، اپاتتان 7 ادام مەرت بولدى.
ولاردىڭ سانى ءالى دە ءوسۋى مۇمكىن. تاعى 7 ادام اۋرۋحاناعا ءتۇستى. ال قالعان تۋريستەردىڭ تاعدىرى بەيمالىم. بەلگىلى بولعانداي، سەرۋەندەۋگە شىققان تەڭىز كولىگىندە 32 وڭتۇستىك كورەيا تۇرعىنى مەن 2 ەكيپاج مۇشەسى وتىرعان. وقيعا پارلامەنت عيماراتىنىڭ ماڭىندا ورىن الدى. قازىر قۇتقارۋ- ىزدەستىرۋ جۇمىستارى جالعاسىپ جاتىر.
www.24.kz