تۇركى جازۋى كۇنىنە ارنالعان كونفەرەنسيا ءوتتى
شارا كونە تۇركى جازۋىن زەرتتەپ، ناسيحاتتاۋعا جانە ۇلتتىق قۇندىلىقتارىمىزدى دارىپتەۋگە باعىتتالعان.
«كەزىندە اتا-بابالارىمىز قولدانعان تۇركى رۋنا جازۋلارى - ءبىزدىڭ بۇگىنگى ماقتانىشىمىز، ۇلتتىق بايلىعىمىز»، - دەپ اتاپ ءوتتى اقمولا وبلىسى اكىمىنىڭ ورىنباسارى اينا ءمىسىرالىموۆا.
تۇركى جازۋىن زەرتتەگەن عالىمدار ۇلى كوشپەندىلەر وركەنيەتىنىڭ تۇرمىسىندا، مادەنيەتىندە، سالت-داستۇرىندە بىرەگەي تۇركى گرافيكاسىن قولدانۋ ەرەكشەلىكتەرى مەن پايدا بولۋىن پاش ەتتى.
«ءار ادام ۇلى دالا حالقىنىڭ تاريحىن ءبىلۋى ءۇشىن وسىنداي ءىس-شارالار ۇيىمداستىرىلىپ تۇرعانى ماڭىزدى»، - دەدى شوقان ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ قازاق فيلولوگياسى كافەدراسىنىڭ پروفەسسورى ءسابيت جامبەك.
تۇركى جازۋى كۇنىنە ارنالعان شارا كونسەرتتىك باعدارلاماعا ۇلاستى.
«جىل سايىن وتكىزۋ داستۇرگە اينالعان مۇنداي شارا مىڭداعان جىل بۇرىن قازاقستان اۋماعىندا كونە وركەنيەتتىڭ، تاريحي ۇردىستەردىڭ بولعانى تۋرالى ءبىلىمىمىزدى كەڭەيتۋگە مۇمكىندىك بەرەدى»، - دەيدى كونفەرەنسياعا قاتىسۋشىلار.
ايتا كەتەيىك، 2014 -جىلدىڭ 18 -مامىرىنان باستاپ جىل سايىن تۇركى جازۋىنىڭ كۇنى اتالىپ كەلەدى.