نۇرسۇلتان نازاربايەۆ ە ا ە و ەلدەرىنە بىرىگىپ ۇشاق شىعارۋدى ۇسىندى
بۇل تۋرالى بۇگىن ەلوردادا ءوتىپ جاتقان جوعارى ەۋرازيا ەكونوميكالىق كەڭەسىنىڭ كەڭەيتىلگەن قۇرامداعى وتىرىسىندا ق ر تۇڭعىش پرەزيدەنتى - ەلباسى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.
«ەۋروپالىق وداقتاعى Airbus كونسەرنى سياقتى قاتىسۋشى ەلدەردىڭ بارلىعىن بىرىكتىرەتىن جوبالار قاجەت. ولار يادروعا اينالادى. ءبىزدىڭ بىرلەستىكتە ءوندىرىس جاعىنان دا، تەحنيكالىق الەۋەتى جاعىنان دا رەسەي ماڭىزدى ورىن الاتىندىعىن مويىنداۋ كەرەك. تۋرا سول Airbus ۇشاقتارى ەۋروپا ەلدەرىنىڭ كوپشىلىگىندە شىعارىلادى. قوسالقى بولشەكتەرى اندا، مىندا دەپ كەتە بەرەدى. بارلىق ەلدەر جۇمىلدىرىلعان جانە بارلىق ەل پايدا تاۋىپ وتىر. بارلىق ەلدەر جۇمىس ورىندارىن ۇسىنادى» ، - دەدى ق ر تۇڭعىش پرەزيدەنتى.
سونىمەن قاتار ەلباسى وڭتۇستىك ازيانىڭ ورتاق اۆياتسيالىق كومپانياسىن دا مىسالعا كەلتىردى.
«قىسقا قاشىقتىقتارعا قاتىنايتىن ءوزىمىزدىڭ ىشكى وڭىرلىك ۇشاقتار جەتىسپەيدى. ءبىز ولاردى شىعارا الامىز. اۋىل شارۋاشىلىعى ءۇشىن دە اۆياتسيا جەتسپەيدى. ونى دا ءوزىمىز شىعارا الامىز» ، - دەدى نۇرسۇلتان نازاربايەۆ.
جوعارى ە ە ك قۇرمەتتى ءتوراعاسى قازىرگى ساۋدا سوعىستارى جاعدايىندا نارىقتاردى يگەرۋدىڭ جاڭا ستراتەگياسىن ازىرلەۋ قاجەتتىگىنە نازار اۋداردى. بۇل رەتتە امەريكا مەن قىتاي اراسىنداعى ساۋدا سوعىسىنىڭ سالدارىنان قىتاي نارىعىندا تاۋار تاپشىلىعى ورىن الاتىندىعى ەسكە سالدى.
«وسى ولقىلىقتى زەردەلەپ، نەگە ءوزىمىزدىڭ تاۋارلارىمىزدى ۇسىنباسقا؟ ءبىز مۇنان پايدا الا الامىز. وسى جانە وزگە دە باستامالاردى ەسكەرە وتىرىپ، 2025 -جىلعا دەيىنگى جول كارتاسىن ازىرلەۋدى ۇسىنامىن» ، - دەدى ەلباسى.
ايتا كەتەيىك، كەڭەستىڭ كەڭەيتىلگەن قۇرامداعى وتىرىسىنا قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆ، بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو، قىرعىز رەسپۋبليكاسىنىڭ پرەزيدەنتى سوورونباي جەەنبەكوۆ، ر ف پرەزيدەنتى ۆلاديمير پۋتين، ارمەنيا رەسپۋبليكاسىنىڭ پرەمەر- ءمينيسترى نيكول پاشينيان، سونىمەن قاتار مولدوۆا رەسپۋبليكاسىنىڭ پرەزيدەنتى يگور دودون ەاەو جانىنداعى باقىلاۋشى مەملەكەتتىڭ باسشىسى رەتىندە، تاجىكستان رەسپۋبليكاسىنىڭ پرەزيدەنتى ەمومالي راحمون قۇرمەتتى قوناق رەتىندە قاتىسىپ وتىر.
جالپى وتىرىس بارىسىندا مەملەكەت باسشىلارى ە ا ە و دامۋىنىڭ وزەكتى ماسەلەلەرى مەن بولاشاعىن تالقىلايدى. اتاپ ايتقاندا، تسيفرلىق دامۋدىڭ، وداقتىڭ حالىقارالىق قىزمەتىنىڭ كۇن تارتىبىندە تۇرعان ماسەلەلەرى، سونداي- اق 2019-2020 -جىلدارعا ارنالعان ماكروەكونوميكالىق ساياساتتىڭ نەگىزگى باعدارلارى قاراستىرىلادى.
سامميت سوڭىندا جوعارى ەۋرازيا ەكونوميكالىق كەڭەسىنە مۇشە مەملەكەتتەر باسشىلارىنىڭ ە ا ە و تۋرالى كەلىسىمنىڭ 5 جىلدىعىنا وراي بىرلەسكەن مالىمدەمە جاساۋى، سونداي- اق ءبىرقاتار حالىقارالىق قۇجاتتارعا قول قويۋى جوسپارلانعان.