15:00, 29 - مامىر 2019 | GMT +5
دوپينگكە قارسى ورتالىق تاعى ەكى قازاقستاندىق سپورتشىنى جارىستان شەتتەتتى
نۇر-سۇلتان. قازاقپارات - قازاقستانداعى دوپينگكە قارسى ۇلتتىق ورتالىقتىڭ رەسمي سايتى تىيىم-سالىنعان ءدارى-دارمەك قولدانعان سپورتشىلار ءتىزىمىن تاعى دا جاڭارتتى، دەپ حابارلايدى قازاقپارات ۇلتتىق وليمپيادا كوميتەتىنە سىلتەمە جاساپ.
رەسمي سايتتاعى تىزىمدە كانوەشى ۆالەريا كوپۋشۋ مەن م م ا وكىلى اسەم جاكەنوۆانىڭ قان ساراپتاماسىنان تىيىم سالىنعان دارىلەر تابىلعانى كورسەتىلگەن.
ۆالەريا كوپۋشۋدىڭ سىناماسىنان قولدانۋعا تىيى سالىنعان ورالتۋرينابول تابىلدى. سىناما جارىستان تىس كەزدە الىنعان. سپورتشى 4 جىلعا جارىستاردان شەتتەتىلدى. ال اسەم جاكەنوۆا مەلدوني قولدانعانى ءۇشىن ءتورت جىلعا ۇلكەن سپورتتان الاستاتىلدى.
ەسكە سالا كەتەيىك، قازاقستان ۇلتتىق وليمپيادا كوميتەتى سپورتتا دوپينگ قولدانۋعا قارسى جانە حالىقارالىق وليمپيادا كوميتەتى (ح و ك) مەن بۇكىلالەمدىك دوپينگكە قارسى اگەنتتىكتىڭ (WADA) «تازا» سپورتشىلاردى قورعاۋ تۋرالى ۇستانىمىن تولىعىمەن قولدايدى.