قازاقستاندا سوتتالعاندار ازايعانمەن، قىلمىس سانى كەمىمەي تۇر

شارا ورتالىق ازياداعى حالىقارالىق تۇرمە رەفورماسى (PRI) وكىلدىگىنىڭ قولداۋىمەن ۇيىمداستىرىلىپ وتىر. وعان پارلامەنت دەپۋتاتتارى، قازاقستان رەسپۋبليكاسىنداعى بالا قۇقىقتارى جونىندەگى ۋاكىل، مەملەكەتتىك ورگانداردىڭ، ۇكىمەتتىك ەمەس جانە حالىقارالىق ۇيىمداردىڭ وكىلدەرى، قوعامدىق باقىلاۋ كوميسسيالارىنىڭ، ۇلتتىق الدىن الۋ تەتىگىنىڭ مۇشەلەرى شاقىرىلعان.
قىلمىستىق اتقارۋ جۇيەسى كوميتەتى ءتوراعاسىنىڭ ورىنباسارى مەيرام ايۋبايەۆتىڭ ايتۋىنشا، ەلىمىزدە 25 مىڭ ادام تۇزەتۋ مەكەمەلەرىندە وتىرسا، 35 مىڭ ادام قىلمىستىق اتقارۋ ەسەبىندە تۇر.
«رەسپۋبليكا اۋماعىندا قىلمىس سانى ءبىر دەڭگەيدە. ال باس بوستاندىعىنان ايىرىلعاندار سانى جىل سايىن ازايۋدا. ويتكەنى، ەلدەگى زاڭناما قىلمىستىق اتقارۋدىڭ بالاما جولدارىن قولدانۋعا مۇمكىندىك بەرىپ وتىر» - دەيدى مەيرام ايۋبايەۆ.
اشىق ديالوگ فورماتىندا العاش رەت ءوتىپ جاتقان فورۋمدا ادام قۇقىقتارى مەن بوستاندىقتارىنىڭ ساقتالۋى، سوتتالعانداردى ۇستاۋ شارتتارى، قىلمىستىق اتقارۋ جۇيەسىن حالىقارالىق ستاندارتتارعا جاقىنداتۋ ماسەلەلەرى قارالادى.