ايگىلى مايلىقوجا اقىننىڭ شىعارمالار جيناعى جارىق كوردى
«جاڭا جيناق ⅩⅨ عاسىر ادەبيەتىنىڭ الىبى، وڭتۇستىك قازاقستان، سىردىڭ ورتا اعىسى مەن قاراتاۋدىڭ كۇنگەيىندەگى اقىندىق مەكتەبىنىڭ وزىق ۇلگىسىن جاساعان مايلىقوجا سۇلتانقوجا ۇلىنىڭ 180 جىلدىعىنا ارنالعان. وندا اقىننىڭ «عىلىم ورداسى» ر م ك ورتالىق عىلىمي كىتاپحاناسىنىڭ، م. و. اۋەزوۆ اتىنداعى ادەبيەت جانە ونەر ينستيتۋتىنىڭ، تۇركىستان ق. ا. ياساۋي اتىنداعى ح ق ت ۋ تۇركولوگيا ع ز ي قورلارىندا ساقتالعان قولجازبا مۇرالارى، مىرزاءشول، سارىاعاش، وتىرار، ورداباسى اۋداندارىنان تابىلعان قولجازبالارى مەن نۇسقالارى ءار كەزەڭدە جارىق كورگەن كىتاپتارى نەگىزىندە ماتىندىك ساراپتاۋدان وتكىزىلىپ ۇسىنىلعان»، - دەلىنگەن ينستيتۋت حابارلاماسىندا.
اتالعان جيناق بەلگىلى قولجازبا جيناۋشى، شەجىرەتانۋشى عالىم سەيىتومار ساتتاروۆتىڭ ۇسىنىسىمەن جىلدار جيناعان قولجازبالارى نەگىزىندە قۇراستىرىلعان. سەيىتومار ساتتار ۇلى جيناعان مايلىقوجا اقىنعا قاتىستى قولجازبا كوشىرمەلەرى ورتالىق عىلىمي كىتاپحانا قورىنا وتكىزىلدى.
«سونىمەن بىرگە مايلىقوجا جەتكىزگەن حالىق مۇرالارى، سونىڭ ىشىندە مايلى ايتقان جۇمباقتار العاش رەت جارىق كوردى. تاعى ءبىر ۇلكەن جاڭالىق - جاڭا جيناققا ورتالىق عىلىمي كىتاپحانانىڭ 337-بۋماسىندا اراب ارپىندە جازىلىپ، ساقتالعان ابۋباكىر ديۆايەۆ جازىپ، جيناعان «جاس كەزىندە شىعارعان ولەڭى»، «جيىرما بەس»، «ناۋرىزباي ءبيدىڭ ايەلى تۋرالى»، «ات جاقسى ارعىماقتان شابىس بولسا» ولەڭدەرى ەنىگىزىلدى. ودان بولەك، ءتۇرسىنالى اينابەكوۆ، اسان مولدا اسىلبەك ۇلى قولجازبالارىنان دا كوپ شىعارمالار تىكە اۋدارىلىپ بەرىلدى»، - دەپ حابارلادى ينستيتۋت.
تۇساۋكەسەر راسىمىنە م. و. اۋەزوۆ اتىنداعى ادەبيەت جانە ونەر ينستيتۋتى «قولجازبا جانە تەكستولوگيا» عىلىمي-يننوۆاتسيا ءبولىمىنىڭ مەڭگەرۋشىسى توقتار الىبەكوۆ، شەجىرەشى، كىتاپ اۆتورى سەيىتومار ساتتاروۆ، «عىلىم ورداسى» ر م ك باس ديرەكتورى باۋىرجان تولتايەۆ، جازۋشى سماعۇل ەلۋباي، «اقيقات» جۋرنالىنىڭ باس رەداكتورى امانحان ءالىم ۇلى جانە وزگە دە زيالى قاۋىم وكىلدەرى قاتىستى.