كانەللونى ءبىرىنشى جانە ەكىنشى ايقاستا جەڭدىم - گولوۆكيننىڭ جاڭا مالىمدەمەسى

نۇر-سۇلتان. قازاقپارات - قازاقستاندىق بوكسشى گەننادي گولوۆكين مەكسيكالىق ساۋل الۆارەسپەن ءبىرىنشى جانە ەكىنشى ايقاسىنىڭ قورىتىندىسىن ايتتى جانە ءۇشىنشىسىنىڭ وتۋىنەن ءۇمىتتى ەكەندىگىن جەتكىزدى، دەپ حابارلايدى Sports.kz.

- ارينە، مەن ءبىرىنشى جانە ەكىنشى ايقاستا جەڭدىم دەپ ەسەپتەيمىن. مۇنى ءبارى بىلەدى. سوندىقتان مەن ءۇشىنشى جەكپە-جەكتى وتكىزگىم كەلەدى!- دەپ مالىمدەدى گولوۆكين Rich Eisen Show سۇحباتىندا.

ەسكە سالا كەتسەك، «كانەلو» - GGG ءبىرىنشى ايقاسى داۋ-دامايمەن تەڭ بولعان، ال ەكىنشىسى تورەشىلەردىڭ كوپشىلىگىنىڭ داۋسىمەن مەكسيكالىق بوكسشىنىڭ جەڭىسىمەن اياقتالعان ەدى.

- بۇل جەڭىلىس گولوۆكيننىڭ كاسىبي كارەرىندەگى العاشقىسى بولدى جانە ورتا سالماقتا WBC، WBA Super جانە IBO تۇجىرىمى بويىنشا الەم چەمپيونى تيتۋلىنان ايىردى.