اقمولالىق اسىقشىلار حالىقارالىق تۋرنيردىڭ جۇلدەگەرى اتاندى
اقمولا وبلىستىق دەنە شىنىقتىرۋ جانە سپورت باسقارماسىنىڭ مالىمەتى بويىنشا، قوستاناي قالاسىندا وتكەن ۇلتتىق ويىنىمىز اسىق اتۋ جارىسىنا قازاقستان رەسپۋبليكاسى مەن موڭعوليا ەلىنەن جينالعان كىلەڭ مىقتى اسىقشىلار قاتىستى. اقمولا وبلىسىنىڭ قۇراماسى ساپىندا ەركەباي سارسەكوۆ، سايلاۋبەك ءتاشىموۆ جانە لەسباي اقتورە شەبەرلىكتەرىن سىنادى.
«جەرلەستەرىمىز جالپى كوماندالىق ەسەپتە تۇركىستان وبلىسىنا ەسە جىبەرىپ، جۇلدەلى ەكىنشى ورىننان كورىندى. ال، ءۇشىنشى ورىنعا نۇر- سۇلتان قالاسىنان كەلگەن اسىقشىلار لايىق دەپ تانىلدى»، - دەيدى اقمولا وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز حاتشىسى ماحاببات بولشينا.
جاتتىقتىرۋشىسى سامات اۋكەنوۆتىڭ سوزىنە قاراعاندا، اقمولالىقتار الداعى شىلدە ايىندا نۇر-سۇلتان قالاسىندا وتەتىن «ازيا اسىعى» تۋرنيرىنە دايىندالماقشى.
