ەل جاستارى پرەزيدەنتتەن ديماشقا «ق ر ەڭبەك سىڭىرگەن قايراتكەرى» اتاعىن بەرۋدى سۇرادى
قوعامدىق بىرلەستىكتىڭ باسپا ءسوز قىزمەتى تاراتقان اقپاراتقا سايكەس، جاستار مەملەكەت باسشىسىنىڭ اتىنا ۆيدەوۇندەۋ جولداعان.
«جاس ۇلان» ۇيىمى ديماش قۇدايبەرگەن «قازاقستاننىڭ ەڭبەك سىڭىرگەن قايراتكەرى» اتاعىنا ابدەن لايىق دەپ ەسەپتەيدى. سەبەبى ونىڭ ەلىمىزدى دامىتۋ جانە دە شەت ەلدەرگە تانىتۋ ماقساتىندا جاساپ جاتقان جۇمىستارى وراسان زور. ول كوپتەگەن مادەني ءىس- شارالارعا دا بەلسەنە قاتىسىپ، سويلەگەن سوزدەرى ارقىلى جاستارعا ۇلكەن موتيۆاتسيا بەرەدى. ديماشتى ەڭبەكتەگەن بالادان ەڭكەيگەن قارتقا دەيىن ءسۇيىپ تىڭدايدى، ەرەكشە جاقسى كورەدى. تالانتتى ءانشى تەك قازاق حالقىنىڭ عانا ەمەس، الەمنىڭ ىقىلاسىنا بولەنىپ ءجۇر. قازاقستاننىڭ كوپتەگەن جاس انشىلەرى بۇل اتاقتى الدەقاشان يەلەنگەن. مىسالعا، جانار دۇعالوۆاعا «Türkvizyon 2014» بايقاۋىنان كەيىن «ق ر ەڭبەك سىڭىرگەن قايراتكەرى» اتاعى بىردەن بەرىلدى. قايرات نۇرتاس، ءمولدىر اۋەلبەكوۆا سياقتى باسقا دا انشىلەر بۇل قۇرمەتتى اتاقتى العانداردىڭ قاتارىندا» ، - دەيدى جاستار.
«جاس ۇلان» بىرلەستىگىنەن اتاپ وتكەندەي، ۆيدەو الەۋمەتتىك جەلىلەرگە جۇكتەلدى جانە ونداعى ۇسىنىسقا ينتەرنەت- پايدالانۋشىلار قىزۋ قولداۋ بىلدىرۋدە.