بەردىبەك ساپاربايەۆ: نەگىزگى مىندەت - ەڭبەككە قابىلەتتى بارلىق ازاماتتى جۇمىسپەن قامتۋ
ۆەدومستۆو باسشىسى اۆتوماتتاندىرىلعان تىگىن سەحىن ارالاپ، زاماناۋي توقىما ءوندىرىسىنىڭ تەحنولوگيالارىمەن جانە وتاندىق ءونىم تۇرلەرىمەن تانىستى.
سونداي- اق، بەردىبەك ساپاربايەۆ جەڭىل ونەركاسىپ ونىمدەرىن وندىرۋشىلەر وداعىنىڭ ءتوراعاسى، «ASTANA يۋتاريا ltd» ج ش س باس ديرەكتورى ساۋلە شاۋەنوۆامەن، جەڭىل ونەركاسىپ كاسىپورىندارىنىڭ باسشىلارىمەن، «اتامەكەن» ۇكپ جانە قازاقستاننىڭ ىسكەر ايەلدەر قاۋىمداستىعىنىڭ وكىلدەرىمەن كەزدەسۋ وتكىزدى. كەزدەسۋ بارىسىندا ناتيجەلى پىكىر الماسۋ ءوتتى، بيزنەس وكىلدەرى ءبىرقاتار ماسەلەلەر بويىنشا ۇسىنىستار ايتتى. اتاپ ايتقاندا، ايەلدەر اراسىندا كاسىپكەرلىكتى دامىتۋ، جۇمىسسىزدىق دەڭگەيىن تومەندەتۋ، جەڭىل ونەركاسىپ كاسىپورىندارىنىڭ قىزمەتكەرلەرىن الەۋمەتتىك قورعاۋ جانە قولداۋ، ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ «ەڭبەك» مەملەكەتتىك باعدارلاماسى شەڭبەرىندە مامانداردى وقىتۋ جانە قايتا وقىتۋ جانە «قاراپايىم زاتتار ەكونوميكاسىن» دامىتۋ ماسەلەلەرى تالقىلاندى.
مينيستر ەلباسى توقىما ونىمدەرىنىڭ يمپورتىن 2025 -جىلعا دەيىن %50 عا دەيىن تومەندەتۋ مىندەتىن قويعانىن اتاپ ءوتتى. مەملەكەت بۇعان، ونىڭ ىشىندە جەڭىل ونەركاسىپ كاسىپورىندارىنا كرەديت بەرۋ جانە مەملەكەتتىك جانە بيۋدجەتتىك ۇيىمداردىڭ وتاندىق ءونىمدى ساتىپ الۋى ارقىلى ىقپال ەتەتىن بولادى.
سونىمەن قاتار، ول «ەڭبەك» جۇمىسپەن قامتۋ مەملەكەتتىك باعدارلاماسىنا، سونداي- اق كادرلاردى وقىتۋ مەن قايتا وقىتۋدى رەتتەيتىن باسقا دا نورماتيۆتىك قۇجاتتارعا وزگەرىستەر ەنگىزىلەتىنىن حابارلادى.
«الدىمىزدا تۇرعان باستى مىندەت - ازاماتتاردى جۇمىسپەن قامتۋ. جۇمىس ىستەي الاتىن، سونىڭ ىشىندە ءۇي جاعدايىندا جۇمىس ىستەي الاتىن ادامداردىڭ بارلىعى جۇمىسپەن قامتىلۋعا ءتيىس. ءوز كەزەگىندە، مەملەكەت بۇل ءۇشىن بارلىق جاعداي جاساۋى كەرەك، ءبىز بۇل بويىنشا جۇمىس ىستەپ جاتىرمىز» ، - دەپ اتاپ ءوتتى مينيستر.
ەڭبەك ءمينيسترى تىگىن سەحىنىڭ جۇمىسشىلارىمەن كەزدەسىپ، ەڭبەك زاڭناماسىن ساقتاۋ، الەۋمەتتىك قامسىزداندىرۋ جانە قولداۋ ماسەلەلەرىن تالقىلادى.
مينيستر كاسىپورىن جۇمىسىن جوعارى باعالاپ، جەڭىل ونەركاسىپتىڭ الەۋمەتتىك دامۋ مەن حالىقتى قولداۋعا قوسقان ۇلەسىن، اتاپ ايتقاندا، كاسىپورىندا كوپبالالى جانە از قامتىلعان ازاماتتاردى وقىتۋ جانە قايتا وقىتۋ، جۇمىسقا ورنالاستىرىلۋ جونىندە ايتىپ ءوتتى.
«كاسىپورىنعا جارتى جىل بۇرىن جۇمىسپەن قامتۋ ورتالىعى ارقىلى ورنالاستىم. تىگىنشىمىن، بۇعان دەيىن كوپتەگەن اتەلەدە جۇمىس ىستەدىم. مۇندا قىزمەتكەرلەر ءۇشىن بارىنشا قولايلى جاعداي جاسالعان، قىزمەتكەرلەردى اپارىپ- الىپ كەلۋ جانە جاتاحانا قاراستىرىلعان. جالاقىنى كەشىكتىرمەي ۋاقىتىندا الامىز. قازاقستاندا مۇنداي وندىرىستەردىڭ كوپتەپ جۇمىس ىستەگەنىن قالايمىن» ، - دەيدى تىگىن جابدىعىنىڭ وپەراتورى، جەتى بالانىڭ اناسى بوتاگوز بيتورەيەۆا.
بەردىبەك ساپاربايەۆ «Kaztexpo» كەشەنىنىڭ اۋماعىندا مامانداردى قايتا وقىتۋ جانە دايارلاۋ وقۋ ورتالىعىنىڭ جۇمىسىمەن تانىستى. بۇگىنگى كۇنى ورتالىقتا 70 كە جۋىق قىزمەتكەر وقىپ شىقتى، ونىڭ كوپشىلىگى كاسىپورىننىڭ وزىنە جۇمىسقا ورنالاستى.
«ASTANA يۋتاريا ltd» ج ش س 2013 -جىلى قۇرىلعان. سول جىلى كومپانيا «استانا - جاڭا قالا» اەا اۋماعىندا «Kaztexpo» اۆتوماتتاندىرىلعان وندىرىستىك كەشەنىن سالۋ بويىنشا ءىرى ينۆەستيتسيالىق جوبانى ىسكە اسىردى. جوبا «بيزنەستىڭ جول كارتاسى-2020» باعدارلاماسى بويىنشا جۇزەگە اسىرىلىپ، «يندۋستريالاندىرۋ كارتاسىنا» ەندى. وندىرىستىك كەشەنگە 7000 شارشى مەتردەن اساتىن وندىرىستىك، نەگىزگى، كومەكشى تسەحتار، قىزمەتتىك، ساقتاۋ جانە اكىمشىلىك ورىن- جايلار، جالپى، مودەلدەۋدەن، ديزايننان باستاپ ءارتۇرلى قوسىمشالار ءۇشىن دايىن ءونىم شىعارىلاتىن تولىق وندىرىستىك تسيكل كىرەدى. جوبانى جۇزەگە اسىرۋعا 2 ميلليارد تەڭگەدەن استام قاراجات ينۆەستيتسيالاندى.
قازىرگى ۋاقىتتا كاسىپورىندا 460 قىزمەتكەر ەڭبەك ەتەدى. كومپانيا حالىق تۇتىناتىن ونىمدەردىڭ كەڭ اسسورتيمەنتىن شىعارادى- بۇل - ارنايى كيىمدەر، ەرلەر مەن ايەلدەردىڭ ىسكەرلىك جانە كۇندەلىكتى كيىمى، بالالارعا ارنالعان تاۋارلار، ءۇي توقىماسى، سۇلگىلەر، داستارحاندار، توسەك- ورىن جابدىقتارى.
