ۇكىمەت «قاراپايىم زاتتار ەكونوميكاسىن» دامىتۋدىڭ جاڭا تەتىكتەرىن ماقۇلدادى
بۇل تۋرالى primeminister.kz سىلتەمە جاساپ قازاقپارات حابارلايدى.
ەكونوميكانىڭ باسىم سالالارىن دامىتۋ بويىنشا مەملەكەتتىك قولداۋ شارالارىن كورسەتۋ اياسىندا مەملەكەتتىك ورگانداردىڭ، وڭىرلەر مەن دامۋ ينستيتۋتتارىنىڭ وكىلدەرىنىڭ قاتىسۋىمەن جوبالىق كەڭسە جۇمىس ىستەيدى.
ق ر پرەمەر- ءمينيسترىنىڭ ورىنباسارى جەڭىس قاسىمبەك جوبالىق كەڭسە الاڭىندا اپتا سايىن 300 گە جۋىق وتىرىس وتكىزىلىپ، 1000-نان استام الەۋەتتى كاسىپكەر تىندالعانىن جەتكىزدى. ناتيجەسىندە حالىق تۇتىناتىن تاۋارلار ءوندىرىسىن دامىتۋدىڭ قازىرگى باعدارلاماسىنا وزگەرىستەر پاكەتى ازىرلەندى. 2025 -جىلعا قاراي «قاراپايىم زاتتار ەكونوميكاسى» تاۋارلارى بويىنشا يمپورت ۇلەسىن %59- دان %37- عا دەيىن تومەندەتىپ، 16 مىڭعا جۋىق جۇمىس ورنىن قۇرىپ، سالىق تۇسىمدەرىن 1,1 تريلليون تەڭگەگە ارتتىرۋ جوسپارلانعان.
ماسەلەنى قاراۋ قورىتىندىسى بويىنشا ق ر پرەمەر-ءمينيسترى اسقار مامين جەڭىلدىكپەن نەسيەلەندىرۋدىڭ وڭ قارقىنىن اتاپ ءوتتى. بۇگىنگى تاڭدا 700 ميلليارد تەڭگەدەن اساتىن سوماعا 900 گە جۋىق جوبا جۇمىس ۇستىندە.
ۇكىمەت باسشىسى حالىق تۇتىناتىن تاۋارلار ءوندىرىسىن ودان ءارى دامىتۋ بويىنشا ايتىلعان تاسىلدەرگە قولداۋ ءبىلدىردى. ولاردىڭ ىشىندە تۇپكى قارىز الۋشى ءۇشىن پايىزدىق مولشەرلەمەنى %9 دان %6 عا دەيىن تومەندەتۋ، نەسيە مەرزىمىنەن 1/3 اسپايتىن ۋاقىتقا جەڭىلدىكتى كەزەڭدى ەنگىزۋ جانە نەسيەلەندىرۋ ءۇشىن تاۋارلار ءتىزىمىن كەڭەيتۋ بار.
وتاندىق تاۋار جانە قىزمەت وندىرۋشىلەردى قولداۋ ءۇشىن پرەمەر-مينيستر ا. مامين مەملەكەتتىك ساتىپ الۋلار مەن كۆازيمەملەكەتتىك سەكتور ساتىپ الۋلارىندا «قاراپايىم زاتتار ەكونوميكاسىنا» جاتاتىن تاۋارلار مەن قىزمەتتەردىڭ ۇلەسىن ارتتىرۋ بويىنشا شارالاردى قابىلداۋدى تاپسىردى. وبلىس اكىمدىكتەرىنە جەرگىلىكتى قامتۋدى باقىلاۋ بويىنشا جۇمىستاردى جانداندىرۋ كەرەك.
الداعى 3 جىلدا قازاقستاندىق كاسىپورىنداردى قولداۋعا 500 ميلليارد تەڭگە بولىنەدى.
شيكىزاتتىق ەمەس ەكسپورتتى دامىتۋ اياسىندا مەملەكەتتىك ورگاندار وعان بولىنگەن بيۋدجەت قاراجاتىن تولىق جانە ۋاقىتىلى يگەرۋ بويىنشا جۇمىستى جالعاستىرىپ، شيكىزاتتىق ەمەس ەكسپورتتى ىلگەرلەتۋ تەتىكتەرىن جەتىلدىرۋ بويىنشا ۇسىنىستار ەنگىزۋ قاجەت، ونىڭ ىشىندە ا. ج. 24 -مامىردا ۇلتتىق ينۆەستورلار كەڭەسىندە بيزنەس كوتەرگەن ماسەلەلەر ەسكەرىلۋى ءتيىس.