بىتىمگەرشىلىك قىزمەتتە قاي ماماندىقتار سۇرانىسقا يە
بۇل تۋرالى ەلوردادا ب ۇ ۇ باس حاتشىسىنىڭ ەكى ورىنباسارىمەن كەزدەسۋدەن كەيىنگى بريفينگە ق ر قورعانىس ءمينيسترى نۇرلان ەرمەكبايەۆ ءمالىم ەتتى، دەپ حابارلايدى قازاقپارات ءتىلشىسى.
«كوپتەگەن ەلدەردە بىتىمگەرشىلەرگە دەگەن قاجەتتىلىك بار. ءبىراق ناقتى قاي ەلگە جىبەرىلەتىنى جۇرگىزىلەتىن كەلىسسوزدەرگە بايلانىستى انىقتالادى. الداعى ۋاقىتتا بۇۇ شتاب وكىلدەرىمەن، باسشىلارىمەن بۇل ماسەلەنى ناقتى تالقىلايتىن بولامىز. نەگىزى، ول ازيا جانە افريكاداعى ەلدەر»، - دەدى ن. ەرمەكبايەۆ.
ونىڭ سوزىنە قاراعاندا، بىتىمگەرلەر ماماندىعى بويىنشا جاساقتالادى، ياعني مەديتسينا، ساپەر ماماندار، بارلاۋ، ينجەنەرلىك سالا مەن پوليتسيا باعىتتارىنا تيەسىلى.
«بۇگىندە وسى ماماندىقتار قاجەت بولىپ جاتىر. سونىمەن قاتار، تەحنيكاعا دا قاجەتتىلىك بار. مىسالى، تىكۇشاقتار، تۇنگى كورۋ قۇرىلعىلارى جانە باسقا دا كولىك تۇرلەرىنە سۇرانىس بايقالۋدا. بۇۇ وسىنداي تەحنيكانى جالعا الىپ، ونى پايدالانۋعا مۇددەلى»، - دەدى ق ر قورعانىس ءمينيسترى.
بۇدان بۇرىن حابارلانعانداي، ەلوردادا ق ر قورعانىس ءمينيسترى نۇرلان ەرمەكبايەۆ ب ۇ ۇ باس حاتشىسىنىڭ جەدەل قولداۋ جونىندەگى ورىنباسارى اتۋل حارە جانە بىتىمگەرشىلىك وپەراتسيالار باعىتىنداعى ورىنباسارى جان-پەر لاكرۋامەن كەزدەستى.
ايتا كەتەيىك، جاقىندا ق ر پرەزيدەنتى قاسىم- جومارت توقايەۆ بەيبىتشىلىك جولىندا قازاقستان مەن بۇۇ ىنتىماقتاستىعى ارتا بەرەتىنىن ءمالىم ەتكەن ەدى.
«بىتىمگەرشىلىك ميسسياسىمەن ليۆاندا يگىلىكتى ىستەرىن تابىستى اياقتاعان ب ۇ ۇ- نىڭ العاشقى قازاقستاندىق توبى امان-ەسەن ەلگە ورالدى. بەيبىتشىلىك پەن حالىقارالىق قاۋىپسىزدىك جولىندا قازاقستان مەن ب ۇ ۇ ىنتىماقتاستىعى ارتا بەرەدى»، - دەدى مەملەكەت باسشىسى.
