تۇركى كەڭەسىنە مۇشە بولاتىن ەلدەر سانى ارتا تۇسەدى - ساياساتتانۋشى-عالىم
«ونىڭ تۇركى كەڭەسىنىڭ قۇرمەتتى ءتوراعاسى اتانۋى حالىقارالىق قوعامداستىقتىڭ ابىرويىن اسىرا تۇسەدى. جانە كەڭەس مۇشەلەرىنىڭ ارتۋىنا وڭ ىقپال ەتەدى. ەلباسى ءتۇبى ءبىر تۇركى ەلىنىڭ بايلانىسىن نىعايتۋعا زور ۇلەس قوسىپ كەلەدى ءارى تۋىستاس ەلدەردىڭ حالىقارالىق قوعامداستىقتارمەن ىنتىماقتاستىعىنىڭ نىعايۋىنا ۇلەس قوستى»، - دەيدى ساياساتتانۋشى-عالىم.
سونداي-اق كۇرشات زورلۋ تۇركىتىلدەس مەملەكەتتەردىڭ ىنتىماقتاستىق كەڭەسى قازاقستاننىڭ تۇڭعىش پرەزيدەنتى، ەلباسى نۇرسۇلتان نازاربايەۆتىڭ تىكەلەي باستاماسىمەن قۇرىلعاندىعىن اتاپ وتكەن. «تۇركى كەڭەسى - قازاقستاننىڭ تاۋەلسىزدىك العانىنان كەيىنگى 30 جىلدىق كەزەڭىندە ەلباسى نازاربايەۆتىڭ حالىقارالىق جانە ايماقتىق ينتەگراتسيالىق جوبالارىنىڭ ىشىندەگى ەڭ ماڭىزدىسى. قازىرگى تاڭدا كەڭەسكە 4 ەل مۇشە. نۇرسۇلتان نازاربايەۆتىڭ تۇركى كەڭەسىنىڭ ءومىر بويى قۇرمەتتى ءتوراعاسى بولۋى الداعى ۋاقىتتا مۇشە سانىنىڭ ارتۋىنا اسەر ەتەتىنى انىق. سەبەبى نازاربايەۆ الەمدىك دەڭگەيدەگى قايراتكەر. سونىمەن قاتار 1992 -جىلنان بەرى تۇركى تىلدەس مەملەكەت باسشىلارىنىڭ سامميتىنە ۇزدىكسىز قاتىسىپ كەلە جاتقان مەملەكەت باسشىسى»، - دەيدى ساياساتتانۋشى.
