كىشى ارالدان ايىرىلىپ قالۋىمىز مۇمكىن - توقايەۆ
ق. توقايەۆ: حالىق ارال تاعدىرىنا الاڭدايدى. ەلباسىنىڭ باستاماسى بويىنشا «سىرداريا ارناسىن رەتتەۋ جانە ارال تەڭىزىنىڭ سولتۇستىك بولىگىن ساقتاپ قالۋ» جوباسى ىسكە اسىرىلۋدا. وسى جوبانىڭ جانە كوكارال بوگەتىنىڭ ارقاسىندا كىشى ارالداعى سۋ قالپىنا كەلدى.
«ماسەلەلەر مۇنىمەن شەكتەلمەيدى. كوكارال بوگەتىنىڭ تومەنگى جاعىن سىرداريا اعىنى بۇزىپ جاتىر. دەرەۋ قولعا الماساق، كىشى ارالدان ايىرىلىپ قالۋىمىز مۇمكىن. وسى ۋاقىتقا دەيىن جينالعان 27 ميلليارد تەكشە مەتر سۋ زايا كەتپەۋى كەرەك. ۇكىمەت پەن اكىمدىككە شارالار قابىلداۋدى تاپسىرامىن»، - دەپ جازادى اقوردا توقايەۆتىڭ ءسوزىن.
تەڭىز دەڭگەيى 1960- جىلداردان باستاپ تەز تومەندەدى. 1989 -جىلى ارال تەڭىزى ەكى وقشاۋلانعان سۋ ايدىنىنا - سولتۇستىك (كىشى) جانە وڭتۇستىك (ۇلكەن) ارال تەڭىزىنە ءبولىندى. ارال تارتىلماس بۇرىن الەمدەگى كولەمى جاعىنان ءتورتىنشى كول بولدى.