الماتىدا بارلىق باعىتتاعى اۆتوبۋس جانە مەترودا جول ءجۇرۋ تەگىن بولادى

 نۇر - سۇلتان - قازاقپارات - الماتىدا قازاقستان پرەزيدەنتىن سايلاۋ كۇنى قوعامدىق كولىكتەردە ءجۇرۋ تەگىن بولادى. ول ءۇشىن قالادا «اشىق ەسىكتەر كۇنى» الەۋمەتتىك ناۋقانى ۇيىمداستىرىلادى.

ناۋقانعا بارلىق قالالىق باعىتتاعى اۆتوبۋس جانە مەتروپوليتەن قاتىسادى، دەپ حابارلايدى الماتى قالالىق موبيلدىلىك باسقارماسى.

 پرەزيدەنت سايلاۋى كۇنى قالاداعى بارلىق باعىتتاعى قوعامدىق كولىكتە تەگىن جۇرۋگە بولادى. قوعامدىق كولىكتەر ءوز كەستەسىنە سايكەس جۇمىس ىستەيدى.

 «بۇل كۇنى شامامەن 700 مىڭ ازامات تەگىن جول جۇرەدى دەپ بولجاپ وتىرمىز. «اشىق ەسىكتەر كۇنى» ناۋقانى تاسىمالداۋشىلار تاراپىنان الەۋمەتتىك قولداۋ بولىپ تابىلادى. بۇل ازاماتتاردىڭ بەلسەندىلىگى مەن سايلاۋشىلاردىڭ قۇقىقتىق مادەنيەتىن ارتتىرۋعا مۇمكىندىك بەرەدى» ، - دەيدى الماتى قالالىق جولاۋشىلار تاسىمالى كاسىپورىندارىنىڭ بىرلەستىگىندەگىلەر.

ناۋقانعا قاتىساتىن قالالىق باعىتتارداعى اۆتوبۋستاردىڭ ءتىزىمى: №1, 2, 3, 4, 5, 5ا، 5ب، 7, 8, 10, 11, 12, 13, 14, 15, 16, 17, 18, 19, 20, 21, 22, 23, 25, 26, 27, 28, 29, 30, 31, 32, 34, 36, 37, 38, 40, 41, 44, 45 46, 47, 48, 50, 51, 52, 54, 56, 57, 59, 60, 62, 63, 65, 66, 67, 68, 69, 70, 71, 72, 73, 74, 77, 78, 79, 80,81, 85, 86, 88, 92, 95, 98, 99, 102, 103, 104, 106, 107, 108, 111, 112, 113, 115, 117, 118, 119, 120, 121, 122, 123, 124, 125, 126, 127, 128, 129, 131, 135, 137, 141, 201, 202, 203, 104ا، 109ا، 131ا، 29ر، 204, 205, 206, 207, 208, 209, 210, 1-ت پ، 5-ت پ، 7-ت پ، 9-ت پ، 11-ت پ، 12-ت پ، 19-ت پ، 25-ت پ.

 ەسكە سالا كەتسەك، بيىلعى جىلدىڭ 9 - ماۋسىمىندا قازاقستاندا كەزەكتەن تىس پرەزيدەنت سايلاۋى وتەدى.