اسقار مامين قازاقستانداعى ەلەكتروندىق ساۋدانىڭ دامۋىنا بولجام جاسادى

«ەلەكتروندىق كوممەرتسيا - الەمدىك ترەند جانە سەرۆيستىك ەكونوميكانىڭ قارقىندى دامىپ كەلە جاتقان باعىتتارىنىڭ ءبىرى. ساراپشىلاردىڭ باعالۋىنشا، 2025 -جىلعا قاراي ەلەكتروندىق كوممەرتسيا 2,8 تريلليون دوللارعا دەيىن 1,5 ەسەگە وسەدى. دامىعان ەلدەردەگى ەلەكتروندى نارىقتىڭ ۇلەسى، مىسالى، قىتايدا - 21، ەو- دا - 15، ا ق ش- تا - 10 پايىزدان استام. بولجامدارعا سۇيەنسەك، 2025 -جىلعا قاراي قازاقستان ينتەرنەت الاڭدارىنداعى ساتىپ الۋ كولەمى 153 ميلليارد تەڭگەدەن 2 تريلليون تەڭگەگە دەيىن وسەدى. بۇل - جالپى بولشەك ساۋدانىڭ 25 پايىزى. وسىعان بايلانىستى ەلەكتروندىق ساۋدا ەكونوميكا ءۇشىن قوزعاۋشى كۇشتەردىڭ ءبىرى بولىپ تابىلادى»، - دەدى ول.

 ۇكىمەت باسشىسىنىڭ ايتۋىنشا، 2018 -جىلى ەلىمىزدە ەلەكتروندىق ساۋدا نارىعىندا 33 مىڭ جۇمىس ورنى قۇرىلعان. ال 2025 -جىلى 314 مىڭ جاڭا جۇمىس ورنىن اشۋعا مۇمكىندىك بار.

 «2025 -جىلعا قاراي ەلەكتروندى ساۋدا- ساتتىقتىڭ ەكونوميكاعا تيگىزەتىن مۋلتيپليكاتيۆتىك اسەرى ج ءى ءو- گە جىل سايىن قوسىمشا 1,1 پايىزدىق تارماق ۇلەس قوسادى دەپ بولجاۋعا بولادى. وسى كەزەڭگە دەيىن اۆتوتاسىمالدان تۇسەتىن كىرىس كولەمىن وسىرۋگە جانە قىتايدان قازاقستان ارقىلى ەۋروپاعا جۇك تاسىمالدايتىن جۇك كولىكتەرىنىڭ قارقىنىن تاۋلىگىنە 2 مىڭنان 21 مىڭعا دەيىن ارتتىرۋعا مۇمكىندىك جاسالادى دەپ جوسپارلاندى. جالپى، «باتىس قىتاي - باتىس ەۋروپا» ءدالىزىنىڭ دايىن ينفراقۇرىلىمى كونتەينەرلىك تاسىمالدار جانە لوگيستيكا وسىمىمەن قاتار، تاسىمالداۋشىلار ءۇشىن ۇلكەن الەۋەتى بار باعىتتى اشادى»، - دەدى ا. مامين.

پرەمەر- مينيستر ەلەكتروندى ساۋدا وتاندىق اۋىل شارۋاشىلىعى ونەركاسىبىنىڭ الەۋەتىن ودان ارى وسىرۋگە ۇلەس قوسا الاتىنىن جانە قازاقستاندىق ونىمدەردىڭ باسقا ەلدەر نارىعىنا شىعۋىنا مۇمكىندىك جاسايتىنىن باسا ايتتى.

«سونىڭ ىشىندە قىتاي نارىعىنا اۋىل شارۋاشىلىعى ونىمدەرىن ەلەكتروندىق ساۋدا- ساتتىق ارقىلى وتكىزۋ جىل سايىن 20 پايىزعا وسەتىن بولادى»، - دەدى ۇكىمەت باسشىسى.

اۆتور: مارلان جيەمباي