ەلەكتروندىق ساۋدادا اۋماقتىق شەكارالار جوق - مينيستر

بۇل تۋرالى بۇگىن ۇكىمەت وتىرىسىندا ق ر ۇلتتىق ەكونوميكا ءمينيسترى رۋسلان دالەنوۆ ايتتى، دەپ حابارلايدى قازاقپارات ءتىلشىسى.

 «الەمدە ەلەكتروندىق ساۋدانىڭ ايرىقشا قارقىندى باعىتتارىنىڭ ءبىرى تاماق ونىمدەرىن جانە اۋىل شارۋاشىلىعى تاۋارلارىن ساتۋ بولىپ تابىلادى. 2023 -جىلعا قاراي اتالعان سەگمەنت 2018 -جىلمەن سالىستىرعاندا، 64 پايىزعا ءوسىپ، ونىڭ كولەمى 134,5 ميلليارد ا ق ش دوللارىنا جەتەدى. قازاقستاندا تاماق ونىمدەرىنىڭ ەلەكتروندىق ساۋدا كولەمى 15,4 ميلليارد تەڭگەنى قۇرايدى جانە جالپى تاۋارلاردىڭ ەلەكتروندىق ساۋداسىنىڭ 4 پايىزىن الادى»، - دەدى ول.

ءمينيستردىڭ ايتۋىنشا، ەلەكتروندىق ساۋدادا اۋماقتىق شەكارالار جوق.

«سوندىقتان، ءبىزدىڭ وتاندىق اۋىل شارۋاشىلىعىنىڭ وندىرۋشىلەرى ءۇشىن بۇل جاڭا نارىققا شىعۋعا، ءوزىنىڭ ساتىپ الۋشىسىن ىزدەۋگە شەكسىز مۇمكىندىك بەرەدى. ينتەرنەت- ساۋدا - بۇل اۋىلدىق جەرلەردە ساۋدانى دامىتۋ ءۇشىن تاماشا مۇمكىندىك»، - ر. دالەنوۆ.