ءبىرىنشى حانىمدارعا سالىناتىن تىيىمدار تۋرالى نە بىلەمىز؟

نۇر-سۇلتان. قازاقپارات - پرەزيدەنتتىڭ جارى بولۋدى راحات ومىرگە تەڭەيتىندەر ۇلكەن قاتەلىككە بوي الدىرادى.

سەبەبى، مەملەكەت باسشىسىنىڭ حالىققا سىيلى ايەلى اتانۋ ۇلكەن ءارى ەرەن ەڭبەكتى قاجەت ەتەدى. وعان قوسا، ءبىرىنشى حانىم قالاعانىن ىستەيىتىنى تۋرالى قاۋەسەتتەر تولىقتاي شىندىققا جاناسپايدى.

كەرىسىنشە، ولارعا ۇكىمەت تاراپىنان سالىناتىن كوپتەگەن تىيىمدار بار دەپ جازادى bigpicture.ru سايتى.

ۇنەمى ەل الدىندا جۇرگەن سوڭ، پرەزيدەنتتىڭ جارى وزىنە تاعىلعان ءبىرقاتار ەرەجەلەردى ۇستانۋعا مىندەتتى. ءبىرىنشى حانىمدار ەل ويلايتىنداي، بىلگەنىن ىستەپ جۇرۋگە قۇقىعى جوق. ولاردىڭ باعىناتىن سانسىز تىيىمدار مەن شەكتەۋلەر بارشىلىق. سولاردىڭ اراسىنداعى ەڭ ماڭىزدىلارىن سىزدەردىڭ نازارلارىڭىزعا ۇسىنباقپىز.

1. شۇلىقسىز ەل الدىنا شىعۋعا بولمايدى.

ءبىرىنشى حانىمدار ەرەجەسىنە ساي، ولار جولداسىمەن رەسمي كەزدەسۋلەرگە قاتىسقاندا مىندەتتى تۇردە شۇلىق كيىپ شىعۋ كەرەك. الايدا، بۇل سالىنعان تىيىمدى ءالى كۇنگە دەيىن دونالد ترامپتىڭ ايەلى ۇستانباي كەلە جاتىر. ول قاشان دا ەل الدىنا شىقسا، شۇلىقسىز شىعىپ ءجۇر.

2. پرەزيدەنتتىڭ ايەلى اشىق اياق كيىم كيە المايدى.

مەملەكەت باسشىلارىنىڭ جۇبايلارى ۇلكەن جيىن بولسىن، حالىقپەن قاۋىشۋ بولسىن جابىق اياق كيىم كيۋگە مىندەتتەلەدى. ءبىرىنشى حانىمداردىڭ شۇلىقتارى تىگىنسىز بولعان جاعدايدا دا اشىق اياق كيىم كيۋگە رۇقسات جوق. بۇل ەرەجەنى مولدوۆا پرەزيدەنتىنىڭ جارى گالينا دودون بۇزىپ ءجۇر.

3. قىزىل پوماداعا رۇقسات جوق.

ءبىرىنشى حانىمدار رەسمي كەز كەلگەن كەزدەسۋگە بەت ارلەپ شىعاتىنى انىق. الايدا، بۇل تۇرعىدا دا ولاردىڭ ۇستاناتىن ەرەجەلەرى بار. پرەزيدەنت ايەلى جۇرت الدىنا اسا قاتتى بويانىپ شىعا المايدى. ال كوپشىلىك قىز-كەلىنشەكتەر ارمان ەتەتىن قىزىل پومادا ولار ءۇشىن مۇلدە جوق. سەبەبى، مەملەكەت باسشىسىنىڭ جارىنا ءىس-شارالاردا قىزىل ءتۇستى پومادا جاعۋعا تىيىم سالىنعان.

4. اياقتى ايقاستىرىپ وتىرۋعا بولمايدى.

پرەزيدەنتتىڭ جارىنا ەشقاشان دا اياعىن ايقاستىرىپ وتىرۋعا بولمايدى. ساياسي سالادا بۇل اگرەسسيۆتى ءارى سەكسۋالدى ارەكەت بولىپ سانالادى. الايدا، ميشەل وباما بۇل ەرەجەنى مۇلدە ساقتاعان ەمەس.

5. ءتۇرلى ءتۇستى مانيكيۋر جاساۋعا رۇقسات جوق.

ماكياج بەن قوسا، ءبىرىنشى حانىمدارعا اشىق مانيكيۋر جاساۋعا دا بولمايدى. جالپى ايتقاندا، ولارعا ەل نازارىن اسا قاتتى اۋدارتاتىنداي نارسەلەر جاساماعان دۇرىس.