09:29, 13 - مامىر 2019 | GMT +5
قالتاسىنان تەلەفونى تۇسكەن دزيۋدوشى وپىق جەدى
نۇر-سۇلتان. قازاقپارات - باكۋدە دزيۋدودان ۇلكەن شلەمنىڭ سايىستارى قىزعان شاق. Grand Slam بارىسىندا پورتۋگاليادان كەلگەن بالۋان انري ەگۋتيدزە ىڭعايسىز جاعدايعا قالدى.
شۆەتسيانىڭ سپورتشىسىمەن تاتاميگە شىققان ەدى. الايدا جەكپە- جەكتىڭ العاشقى مينۋتتارىندا قارسىلاستى وزىنە تۋرالاپ، ىڭعايلانا بەرگەن ساتتە كيمونوسىنىڭ قالتاسىنان ۇيالى تەلەفونى ساۋ ەتىپ جەرگە ءتۇستى. بۇل ءساتتى بايقاعان سۋديا جەكپە- جەكتى بىردەن توقتاتىپ، پورتۋگالدىق تەحنيكالىق جەڭىلىس تاپقانىن جاريالادى. سەبەبى تاتاميگە سپورتشىنىڭ وزىمەن بىرگە ارتىق زات الىپ شىعۋىنا بولمايدى.
جەڭىلىس ءساتى حالىقارالىق دزيۋدو فەدەراتسياسىنىڭ يۋتۋب كانالىندا جاريالاندى (IFJ). ايتا كەتۋ كەرەك، انري ەگۋتيدزە 2016 -جىلى وتكەن قوس ەۋروپا يۋنيورلىق چەمپيوناتىنىڭ جەڭىمپازى. ماروككو، تبيليسي، زاگرەبتە وتكەن گران- پريلەردە ەكىنشى جانە ءۇشىنشى ورىنداردى جەڭىپ العان سپورتشى.